Mateo 13:46 - Livulu lya Shukulu Kalunga

⁴⁶ Co omo awana likwalale limo lya seo yakama manene, aya nakulandesa vyuma vyendi vyoshe vije alinavyo, co alanda lije likwalale.

Mateo 13:46 Iomraidhean Croise

Visimo 2:4

Shakezeka mana ngwe siliva, ashakezeke ngwe muukashakezeka vufuko vwakushweka.

Isaya 33:6

co akakolesa miyati ya vanu. Simbu yoshe akanyunga vanu vendi nakuvana mana nakuzivisisa. Vufuko vwavo vwakama manene vukapwa kasingimiko kuli Shukulu Kalunga.

Mateo 13:44

“Vumwene vwa mwilu vunalifu ngwe vufuko vwakushweka mu lihya, vuje munu awana, co avushweka. Asinoni akuvwaelela kwendi aya nakulandesa vyuma vyoshe vije alinavyo, co alanda lije lihya.

Mateo 13:45

“Vumwene wa mwilu lalo vunalifu ngwe munu muka-kulandulula ashakezeka makwalale.

Mateo 13:47

“Vumwene vwa mwilu lalo vunalifu ngwe linimbwa lije livata mu lishali, co vakwatao visi va miyati yoshe.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Kolose 2:3

Ikeye wapwa sapi yakusholola vufuko vwa Njambi vwakushweka vwa mana na kuzivisisa.

Kujombolola 18:12

naumo wai akalanda ngolinde yavo na siliva na mamanya a seo na makwalale na vinanga vya linyu nevi vyakuvenga nevi vyakuseneta nevi vya miti yakunika mwamuvwa na vivalavya kupanga na mayo a vinjamba na vya miti ya ndando yakama nevi vya vunengu nevi vya vikuvo nevi vya mamanya akutoka akukola,

Kujombolola 21:21

Co vikolo likumi na vivali vyapwile vya makwalale, cikolo cimo na cimo vacipangesele likwalale limo. Co vitapalo vya ije nganda vavipangesele ngolinde yakujela, yakutungukwa ngwe kalikengelo.