Mateo 13:44 - Livulu lya Shukulu Kalunga

⁴⁴ “Vumwene vwa mwilu vunalifu ngwe vufuko vwakushweka mu lihya, vuje munu awana, co avushweka. Asinoni akuvwaelela kwendi aya nakulandesa vyuma vyoshe vije alinavyo, co alanda lije lihya.

Mateo 13:44 Iomraidhean Croise

Yombi 28:13

Munu kazivuka ndando ya mana, nambe kutwasa kuwana mana ano asi.

Visimo 16:16

Cinapu cuma cacivwa manene kukala nakuzivisisa na mana, kutuvakana kukala na ngolinde na siliva.

Visimo 17:16

Omwo vikajo vilema vali na vimbongo vije vasa kulikwasa navyo mukulilongesa, oloni vakevo kuvesi na mana?

Visimo 18:1

Vanu vakujeneka kulizilila na vakwavo vakashaka lika kulinga mwaya cizango cavo, vakavyana vushunga vuje vuvazivuka vakwavo.

Visimo 23:23

Landa vushunga, na mana, na vilongesa, nakuzivisisa, co kesi ulyangunuke navyo.

Isaya 55:1

Shukulu Kalunga alinakwendeka ngwendi, “Nga muli na lihwila, ijeni munwe mema! Nga kumwesi na vimbongo, ijeni mulye vije vimushaka! Ijeni mwakunwe vinyu na mavele, kujeneka kuvilanda na vimbongo!

Mateo 13:24

Yesu wavatelele cisimo cikwavo lalo ngwendi, “Vumwene vwa mwilu vunalifu ngwe munu umo wakuvile vimbuto vyavivwa mu lihya lyendi.

Mateo 13:46

Co omo awana likwalale limo lya seo yakama manene, aya nakulandesa vyuma vyendi vyoshe vije alinavyo, co alanda lije likwalale.

Mateo 13:47

“Vumwene vwa mwilu lalo vunalifu ngwe linimbwa lije livata mu lishali, co vakwatao visi va miyati yoshe.

Mateo 19:21

Yesu wamulekele ngwendi, “Nga ushaka kupwa wakulamba, ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Mateo 19:27

Petulu wendekele ngwendi, “Kenga, yetu tunaseza vyuma vyoshe, tunakukava, cooni cikandelela cikajo tukatambula?”

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Mateo 6:21

Omwo mbunge yove simbu yoshe yakala kuje kuvwakala vufuko vwove.

Luka 14:33

Yesu wamanesele kwendeka ngwendi, “Na kuli yeni voshe, ou kaseza vyuma vyoshe alinavyo kasa kupwa ndongisi yange.”

Yowano 6:35

Yesu wavalekele ngwendi, “Yange likende lya mwonyo. Uje aija kuli yange kakakala lalo na njala, co uje akulaela kuli yange kakazivi lalo lihwila.

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Kolose 2:3

Ikeye wapwa sapi yakusholola vufuko vwa Njambi vwakushweka vwa mana na kuzivisisa.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

VaHevelu 10:34

Yeni mwalipangelele n̄avava ya vunzinda, co omo vevile vyeni vyoshe, co yeni mwakakateyeye nakujolela ku vyeni vije vyazimbalele, omwo mwazivukile ngeci muli na vyuma vyavivwa kutuvakana vije, vyuma vije vikakalako simbu yoshe.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.