Mateo 13:38 - Livulu lya Shukulu Kalunga

³⁸ Lihya linapu kaye, co vije vimbuto vyavivwa vinapu vanu va Vumwene vwa Njambi, shaku inapu vanu va Muka-vuvi,

Mateo 13:38 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Myaso 22:30

Visemwa vya vanu vya kulutwe vakamupangela, vanu vakendeka vya Shukulu Kalunga ku cisemwa cije cikaija kulutwe.

Isaya 53:10

Shukulu Kalunga alinakwendeka ngwendi, “Eci capwile cizango cange ngeci ayande, kutsa kwendi kwapwile n̄ombelo yakunena kusambesa. Ngamba yange akayoya simbu yoshe nakumona vatekulwila vendi, co muli ikeye vutumbe vwange vukaya kulutwe.

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Mateo 13:19

Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo.

Mateo 24:14

Co evi Vin̄anda Vyavivwa vya Vumwene vakavyambulula mu kaye mwoshe ngwe kupwa vukaleo ku miyati yoshe, co asinoni kukotoka kwa kaye kukaija.

Mateo 5:37

Kwendeka kweni kupwe ‘Eyo’ nambe ‘Embwe’ omwo vyoshe vyeka muwezelelako vitunda kuli Liyavola.

Mateo 8:12

Oloni vaje vanapandele ngeci vakatumbame mu Vumwene vuje vakavombila anja mu lisusulungu kuje kukakala kulila nakulingenjenga ku mayo.”

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Yowano 12:24

Mwa vushunga njimileka ngwange, kuvanga nona ya tiliku iwile mu livu na kutsa. Nga itsa, asinoni ima vinona vyavingi.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Vilinga vya Miluwa 13:10

co wendekele ngwendi, “Yove muna Liyavola! Yove unapu citozi ca vyuma vyoshe vyavivwa. Muli yove munashulu miyati yoshe ya linyanyamena, co yove simbu yoshe ulinakweseka kutengulula vushunga vwa Mwene kuvupwisa makuli!

Loma 10:18

Oloni njihula ngwange, mwa vushunga kuma kuvazivile lijwi ndi? Valizivile, omwo visoneka vyendeka ngwavyo, “Omo mutambi wa lijwi lyavo washandokelele mu kaye mwoshe, majwi avo etele na ku shongo ya asi oshe.”

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Loma 8:17

Omwo tunapu vana vendi, tukatambula vivezikiso vije Njambi natulikila vanu vendi, co lalo tukatambula muli Kilistu vije vyanamutulikila Njambi, omwo nga tuyanda amo na Kilistu, co lalo tukakala amo mu vumpau vwendi.

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Petulu 1:23

Omwo a lijwi lya Njambi lyakuyoya lije lya myaka yoshe munasemuka luvali ngwe vana va cisemi uje muka-kuyoya simbu yoshe, kesi uje asa kutsa.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.

Kujombolola 14:6

Asinoni njamwene kangelo mukwavo alinakupulula mwilu a mukambwila, na lijwi lya Vin̄anda Vyavivwa vyakwambulula kuli vanu va ano asi na ku mafuti oshe ku miyati yoshe na ku vindaka vyoshe na ku vanu voshe.