Mateo 13:21 - Livulu lya Shukulu Kalunga

²¹ Oloni kulyesi na mizi muli vakevo yai, co likala kasimbu kakandondo lika. Co omo tuyando twija nambe mapakeso omwo lijwi, co aje vene valikela.

Mateo 13:21 Iomraidhean Croise

Yombi 19:28

‘Vatijo twasa kumuyandesa?’ Yeni mwashakezekele mumo mwakulyolela malambi ngeci munjilwise.

Myaso 36:3

Majwi avendeka anashulu na muuka na makuli, vanaseza vilinga vya mana na vilinga vyavivwa.

Visimo 12:12

Vaka-vuvi vakashaka kuwana vyuma vyavivi ngeci vavilinge, oloni vaka-vushunga vemana mbe ngwe muti uli na mizi yawo mu livu.

Visimo 12:3

Vuvi kuvwasa kwana kwoloka, oloni vaka-vushunga vakemana mbe ngwe muti uli na mizi yawo mu livu.

Hoziya 6:4

Oloni Shukulu Kalunga alinakwendeka ngwendi, “Isalele na Yunda, cuma mukajo njikalinga kuli yeni? Cizemo ceni kuli yange cilinakuhwa vwasi-vwasi ngwe mbundu ku mutondo, cinapu ngwe lime lije likatotomoka ku mutondo-tondo.

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 11:6

Co vanavezika vaje kuvesi na vimata ali yange!”

Mateo 13:20

Vimbuto vije vyawililile a livu lya mamanya vinapu ngwe vaje vanazivi lijwi nakulitambula vwasi-vwasi nakuvwaelela.

Mateo 13:57

Co vakevo vamuvyanene. Oloni Yesu wendekele kuli vakevo ngwendi, “Muka-kwimanena kesi na kasingimiko hembo lyendi na ku vavushoko vwendi na ku naanga yendi kuvanga kweka.”

Mateo 13:6

Oloni omo litangwa lyatuukile nakutwa litanya, co vije vimbuto vyajujwamene, omwo mizi yavyo kuyakovelele manene mu livu, co vije vimbuto vyomine vwasi cau.

Mateo 24:13

Oloni woshe uje akakateya na ku shongo akovoka.

Mateo 26:31

Asinoni Yesu wavalekele ngwendi, “Ku vutsiki vuno vene, yeni voshe mukatewa nakunjiseza ange lika, omwo visoneka vinendeka ngwavyo, ‘Njambi akatsiya kanyungi, co vutanga vwa vimanga vukalishandoka!’

Mateo 26:33

Petulu wendekele nendi ngwendi, “Nameme voshe vakakuseza yange kunjikakuseza nalumo lwai!”

Mako 4:17

Co kulyesi na mizi muli vakevo, co kuvasa kwishwala embwe. Ngecivene, omo tuyando nambe mapakeso vija omwo lijwi, aje vene veluka munima.

Luka 8:13

Co vije vimbuto vyawililile a mamanya vinemanena vaje vaziva lijwi, co valitambula nakujolela, oloni kulyasa kukovela manene muli vakevo, vakulaela lika kasimbu, oloni omo vyeseko vija, co aje vene valikela.

Yowano 6:26

Yesu wavakumbulwile ngwendi, “Mwa vushunga njimileka ngwange, munanjishakezeka kesi omwo mwamwene vizivukiso vyange embwe, oloni omwo mwalile makende nakukuta.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Ngalatiya 6:12

Vanu vaje valinakweseka kumisindiya ngeci mutuuke vakevo vaje vashaka kulimwesa na kulyalesa a vin̄anda vya anja. Nameme ngoco, vakevo valinakucilinga ngeci kesi vavapakese omwo cilindakano ca Kilistu.

Ngalatiya 6:15

Kukwesi mulonga wai nameme kutuuka nambe kujeneka kutuuka, oloni cije cikwasa cinapu kupwa wakutanga kwakuhwa.

Efeso 3:17

co njilomba ngwange Kilistu akale mu vimbunge vyeni akukulaela. Njilomba ngwange mushalave mizi na luvula lweni mu cizemo,

Filipu 1:6

Ngecivene, njazivuka ngwange Njambi, uje washangumukile cipangi eci cacivwa muli yeni, akatwalao noo nacimanesa a Litangwa lya Yesu Kilistu.

2 Timateo 1:15

Unazivuka ngwove vanu voshe mu lifuti lya Asiya vananjikengesa nima, Fingelyase na Helemengenese navo lalo vananjiseza.

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

Yakomba 3:2

Omwo yetu voshe visimbu vyavingi tukaviisa. Oloni nga munu kesi kuviisa muvyendeka vyendi, co napu munu wakujela, co asa lalo kulinyunga ikeye vavenya.

1 Petulu 1:5

Vinapu vyeni, akukulaela vanaminyungilavyo mwamuvwa na nzili ya Njambi yakwovoka ije inalivwaesela kusholoka a simbu yakukotoka.

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.