Mateo 13:11 - Livulu lya Shukulu Kalunga

¹¹ Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mateo 13:11 Iomraidhean Croise

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Isaya 29:10

Shukulu Kalunga namilalesa manene mu tulo. Vaka-kwimanena vakevo mesho a vanu, oloni Njambi nazivalesa mesho avo.

Isaya 29:11

Kulumbunuka kwa vimona vyoshe vya vuka-kwimanena kunapu kwakushweka kuli yeni, kunapu ngwe livulu lyakushoka na kasateso. Nga ulitwala ku munu umo uje azivuka kulava nakumwihula ngwove lavamo, co ikeye ngwendi, “kunjasa kulilava omwo vanalishoko na kasateso.”

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Mateo 13:10

Co vandongisi vezile kuli Yesu vamwihwile ngwavo, “Omwo vikajo ukendeka kuli vakevo na visimo?”

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Mateo 19:11

Oloni Yesu wavakumbulwile ngwendi, “Evi vilongesa kuvyakundamene kuli vanu voshe embwe, oloni kuvanga kuli vaje lika Njambi navanavyo.

Mateo 20:23

Ikeye wavalekele ngwendi, “Mukanwa mwa vushunga mu nganja yange, oloni nzili yakwangula uje akatumbama ku livoko lyange lya cilyo, nameme lyacimwoshe, kunjesi nayo. Oloni myela eyi inapu ya vaje Tate wavavwaeseleleyo laja.”

Mako 10:40

Oloni nzili yakwangula uje akatumbama ku livoko lyange lya cilyo, nambe lya cimoshwe kunjesi nayo. Co myela eyi inapu ya vaje Njambi wavavwaeseleleyo laja.”

Mako 4:11

Co Yesu wavakumbulwile ngwendi, “Yeni vanamyana kuzivuka vyuma vya Vumwene vwa Njambi, oloni kuli ava vali anja, vakaziva muvinalumbunukila vyuma vyoshe kuvanga na visimo,

Luka 8:10

co Yesu wavakumbulwile ngwendi, “Yeni vanamyana kuzivuka vyuma vya Vumwene vwa Njambi, oloni kuli veka, kuvanga na visimo, ngeci vamone, oloni kuvamonesesa mwamuvwa, co vazive, oloni kuvazivisisa mwamuvwa.

Yowano 6:65

Co wendekele lalo ngwendi, “Omu mukemwo njamilekele ngwange naumo wai aija kuli yange kuvanga Tate amutave.”

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Vilinga vya Miluwa 16:14

Umo wavo watuzivile wapwile Lindiya watundile ku Tiyatila, wapwile muka-kulandesa vinanga vyavivwa vyakuvenguluka. Wapwile munakazi muka-kulemesa Njambi, co Mwene washokolwele mbunge yendi kutolilila ku vije vyakele nakwendeka Paulu.

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

1 Kolinte 13:2

Co nambe njili na vwana vwakwambulula nakuzivisisa vyuma vyakushweka, co nga njili nakukulaela kwoshe ngeci njase kushwenyesa minkinda, oloni nga kunjesi na cizemo njinapu wangoco.

1 Kolinte 15:51

Tolilileni vushunga ovu vwakushwekesa, kutukatsi tuvavoshe, oloni yetu voshe tukemuka,

1 Kolinte 2:14

Woshe uje kesi na Munzinzime kasa kutambula mavwana aje atunda kuli Munzinzime wa Njambi. Munu wangacije kasa kuwazivisisa, anapu angoco kuli ikeye, omwo seo yawo vanaiseteka na munzinzime.

1 Kolinte 2:7

Mana awa njambulula anapu mana a Njambi akushweka, aje vanashwekesela vanu, oloni Njambi waangwile laja ku vumpau vwetu simbu kanda vatange kaye.

1 Kolinte 4:1

Munapande kutuyongola ngwe tu vangamba va Kilistu, vaje vaka-kunyunga vya mu vushweke vya Njambi.

1 Kolinte 4:7

Omwo iyajo namilingisa ngeci muhyane vakweni? Kuma Njambi kamyanene vyuma vyoshe mulinavyo ndi? Nga mwavitambwile, omwo vika mulishashela ngwe kumwavitambwile vyavwana?

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Efeso 5:32

Kuli cisin̄iko ca kulova ca vushunga mu visoneka evi cije cinjinazivuka ngwange cilumbununa vya Kilistu na cikungulukilo.

Efeso 6:19

Co nange lalo njilombeleleniko, ngeci Njambi anjane lijwi omo njalivwaesela kwambulula, ngeci njambulule nakusimpa nakusholola cisin̄iko ca muzimbu wauvwa.

Kolose 2:2

Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

1 Timateo 3:9

vanapande kukakateya vushunga nakusholoka kukulaela na citaku-taku cakutungukwa.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.