Mateo 12:7 - Livulu lya Shukulu Kalunga

⁷ Visoneka vyendeka ngwavyo, ‘Yange njishaka kutetela, kunjishaka n̄ombelo ya tusitu.’ Nga mwazivukile mwamuvwa muwalumbunukila majwi awa, nga kumuhisa vaje kuvesi na mulonga.

Mateo 12:7 Iomraidhean Croise

Yombi 32:3

Co Elihu lalo waluvalele na vasamba va Yombi vatatu. Vakevo kuvasele kuwana ngila imo yakukumbulula Yombi, eci cikeco casholokele kupwa ngwe Njambi nalingi vuvi.

Myaso 109:31

omwo Shukulu Kalunga ikeye nemanena muka-kuutwa, nakumwamena kuli vaje vashaka kumutsiya.

Myaso 94:21

vaje vatumba matumbe akulwisa vaka-vushunga, nakuhisa munu wakujeneka mulonga ngeci atse.

Visimo 17:15

Uje asambesa muka-vuvi na uje ahisa muka-vushunga, voshe muvuvali vwavo vanapu vunyengwe kuli Shukulu Kalunga.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Mateo 22:29

Oloni Yesu wavakumbulwile ngwendi, “Yeni mwasevuka! Omwo kumuzivuka Visoneka nambe nzili ya Njambi.

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Mako 12:33

Co munu napande kuzema Njambi na mbunge yendi yoshe, na mana endi oshe, na nzili yendi yoshe, co napande kuzema mundambo wendi ngwe mwalizema ikeye vavenya. Mwamuvwa kwononoka mashiko awa avali kutuvakana kunena tusitu va n̄ombelo nakukombelela lalo vin̄ombelo vikwavo kuli Njambi.”

Vilinga vya Miluwa 13:27

Omwo vanu vaje valinakuyoya mu Yelusalema na vantwama vavo omwo kuvazivukile ngeci ikeye napu Muyoyesi, nambe kuzivisisa majwi a vaka-kwimanena aje avakalava a Litangwa na Litangwa lyoshe Lyakuhwima. Nameme ngoco valingisile majwi a vaka-kwimanena kupwa a vushunga omo vawanenene Yesu mulonga.

Yakomba 5:6

Munahisa nakutsiya vanu vaka-vushunga, co kuvamivyanene.

Yoshwa 5:5

Vanu voshe vaje vatundile ku Ingito vakevo vavatuwile, oloni vanu voshe vaje vasemukilile mu mambo omo vatundile ku Ingito kuvavatuwile embwe.

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.