Mateo 12:48 - Livulu lya Shukulu Kalunga

⁴⁸ Oloni wakumbulwile uje munu ngwendi, “Vanana veyajo? Na vandolome vange veyajo?”

Mateo 12:48 Iomraidhean Croise

Mateo 10:37

“Woshe uje azema ishe nambe vaina kutuvakana yange kapandele kupwa ndongisi yange, co woshe uje azema munendi wa munalume nambe wa munakazi kutuvakana yange kapandele kupwa ndongisi yange.

Mateo 12:47

Ngecivene, munu umo wakele kuje wamulekele ngwendi, “Kenga, vanyoko na vandolome vove vanemana anja, co vashaka kwendeka nove.”

Mateo 12:49

Co wenikile vandongisi vendi wendekele ngwendi, “Kenga! Ava vakevo vanana na vandolome vange!

Luka 2:49

Co ikeye wavakumbulwile ngwendi, “Vika munanjishakezekela? Kuma kumwazivukile ngweni njinapande kukala mu Njuvo ya Tate ndi?”

Luka 2:52

Co Yesu wakulile mu muvila, na mu mana, wawanene kutetela kuli Njambi na kuli vanu.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Kwituluka mu Mashiko 33:9

Vakevo vasholwele kasingimiko kakama kuli yove, kutuvakana ku visemi vavo, nambe ku vandolome vavo, nambe ku vana vavo. Vononokele mashiko ove, vapwile va kulongwa ku cikumiiyo cove.