Mateo 12:41 - Livulu lya Shukulu Kalunga

⁴¹ A Litangwa Lyakusompa vanu vaka-Nenevayi vakakatuka nakumihisa, omwo vakevo vatengulukile ku vingila vyavo vyavivi omo vazivile kwambulula kwa Yona, co njimileka ngwange, kuli cuma cimo kuno cakama cinatuvakana Yona!

Mateo 12:41 Iomraidhean Croise

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Njelemiya 3:11

Asinoni Shukulu Kalunga wanjilekele ngwendi, nameme Isalele natundu kuli ikeye, oloni walingile mwamuvwa kutuvakana Yunda wakujeneka kulongwa.

Yona 1:2

“Ya ku Nenevayi, nganda ije yakama, ukavambulwile, omwo njinamono vuvi vwa vanu vamwo.”

Yona 3:4

Ngecivene, Yona washangumukile kwita mu nganda, co omo wendele litangwa lyoshe, waile nakwimana-imana nakwambulula ngwendi, “Kunasala matangwa makumi awana lika Nenevayi vakayinyongesa!”

Mateo 12:39

Oloni wavakumbulwile ngwendi, “Vanu vavavi va matangwa ano vakujeneka kukulaela vashaka lika cizivukiso, oloni cizivukiso nacimo cai mukamona kuvanga lika cizivukiso ca Yona muka-kwimanena.

Mateo 12:42

A Litangwa Lyakusompa Vamwene wa ku Shemba akakatuka nakumihisa, omwo ikeye watundile ku lifuti lyendi waile kuli Solomoni mukukatolilila vilongesa vyendi vya mana, co njimileka ngwange, kuli cuma cimo kuno cakama cinatuvakana Solomoni!

Mateo 12:45

Asinoni uya nakunenelamo minzinzime yeka itanu na ivali yakujwala manene kutuvakana ukewo, ikovelamo nakutumbamamo. Co kuviya kwa munu uje kwakukotokela kukatuvakana kwakulivanga. Ngecivene, mucikapwa ku muyati ou wauvi wa vanu ava valelo.”

Mateo 12:6

Njimileka ngwange, kucili cije cinatuvakana Njuvo ya Shukulu Kalunga.

Mateo 16:4

Yeni vanu va muyati wauvi vaka-kujeneka kukulaela! Yeni mwihula lika ngeci njimileke cizivukiso ndi? Embwe! Kuvanga cizivukiso ca Yona lika.” Ngecivene, wavasezele waile.

Mateo 17:17

Co Yesu wakumbulwile ngwendi, “Yeni vaka-kujeneka kukulaela, vanu vaka-vuvi! Visimbu vingaijo njikakala neni? Visimbu vingaijo njinapande kuyanda omwo yeni? Muneneni kuno kuli yange!”

Mateo 23:36

Mwa vushunga njimileka ngwange, cihiso coshe eci cikaija ali vanu va matangwa ano!

Luka 11:32

A Litangwa Lyakusompa vaka-Nenevayi vakakatuka nakumihisa, omwo vakevo vatengulukile ku vingila vyavo vyavivi omo vazivile kwambulula kwa Yona, co njimileka ngwange kuli cuma cimo kuno cakama cinatuvakana Yona!

Yowano 3:31

Uje atunda mwilu nahyana voshe. Uje atunda ano asi nakundama ku vya asi nakusimutwiya vin̄anda vya ano asi, oloni uje atunda mwilu ali akamwa ya vyoshe.

Yowano 4:12

Kuma yove unatuvakana kukulwila yetu Yakomba uje watwanene lisima eli ndi? Ikeye wanwilemo na vana vendi, na vimuna vendi voshe.”

Loma 2:27

Co yeni vaYunda vakamihisa kuli vaje kesi vaYunda omwo mukapokola Lishiko, nameme vene vanamisonekelalyo, co yeni mwatuuka, oloni vakevo valinakwononoka Lishiko, nambe kuvatuukile ku cisemwa.

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.