Mateo 12:28 - Livulu lya Shukulu Kalunga

²⁸ Kesi Mbelezembulu ikeye akanjana nzili yakutundisa minzinzime yakujwala embwe, oloni Munzinzime wa Njambi ikeye njikatundisa nendi minzinzime yakujwala, muzivuke ngeci Vumwene vwa Njambi vunete kuli yeni vene.

Mateo 12:28 Iomraidhean Croise

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Mateo 12:18

“Kengeni, ngamba yange injinaangula ou ikeye injazema, ikeye muka-kunjivwaelelesa. Njikaka Munzinzime wange ali ikeye, co akambulula vushunga ku vaje kesi vaYunda.

Mateo 12:29

“Naumo wai munu asa kukovela mu njuvo ya muka-nzili nakupukula vufuko vwendi, kuvanga alivange kukuta uje muka-nzili, asinoni akapukula vya mu njuvo yendi.

Mateo 21:31

Iyajo akati kaava vanu vavali walingile cizango ca ishavo?” Vamukumbulwile ngwavo, “Uje mwana wa mukulunu.” Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela.

Mateo 21:43

Ngecivene, Yesu wavalekele ngwendi, “Vumwene vwa Njambi vakavutundisa kuli yeni, co vakavwana kuli vanu vaje vononoka Njambi.

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Mako 1:15

Wendekele ngwendi, “Simbu yaivwa ineete, co Vumwene vwa Njambi vuli muyehi! Tengulukeni mu vimbunge vyeni ngeci mutunde ku vuvi, co kulaeleni ku Vin̄anda Vyavivwa!”

Mako 11:10

Njambi avezikise vumwene vuje vulinakwija vwa Mwene Ndaviti, tatetu! Shangazaleni Njambi!”

Mako 16:17

Co vaka-kukulaela vakavana nzili yakulinga vizivukiso, co vakatundisa minzinzime yakujwala mu lizina lyange, vakendeka vindaka vyaviha,

Luka 10:11

‘Likungu lya nganda yeni lije lili ku myanja yetu tuli nakumitotomwenalyo. Oloni anukeni ngweni Vumwene vwa Njambi vunaija kuyehi neni!’

Luka 11:20

Embwe, eyi inapu nzili ya Njambi injikatundisa nayo minzinzime yakujwala, muzivuke ngeci Vumwene vwa Njambi vunete kuli yeni vene.

Luka 16:16

“Lishiko lya Mosesa na visoneka vya vaka-kwimanena vyakele na nzili kweta a simbu ya Yowano Muka-kumbwitika, oloni tunde a simbu ije Vin̄anda Vyavivwa vya Vumwene vwa Njambi valinakuvyambulula, co munu na munu alinakulicikinina ngeci akakovelamo.

Luka 9:2

Co wavatumine kuya nakwambulula Vumwene vwa Njambi nakukangwisa vaka-kuvinja,

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Loma 14:17

Omwo Vumwene vwa Njambi kesi ngwe vunapu vwa vyakulya nakunwa embwe, oloni vunapu vwa vushunga na kwoloka nakujolela mu Munzinzime Wakujela.

Kolose 1:13

Natwamena ku nzili ya lisusulungu nakutunena mu vumwene vwa Munendi uje yazema,

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.