Mateo 12:25 - Livulu lya Shukulu Kalunga

²⁵ Yesu wazivukile viyongola vyavo, ngecivene, wendekele kuli vakevo ngwendi, “Vumwene vwoshe vuje vulyangunuka mu vimunga nakulilwisa akati kavwo vukanyonga, co nganda nambe naanga yoshe ilyangunuka mu vimunga nakulilwisa akati kayo ikanyonga.

Mateo 12:25 Iomraidhean Croise

1 Vimyene 16:21

Co vanu va Isalele valipangele, vamo vashakele Timbeni muna Nginate apwe mwene, oloni vakwavo vashakele Omeli.

Myaso 139:2

Yove uzivuka vyuma vyoshe vinjikalingi, nambe uli kulyala, oloni uzivuka viyongola vyange vyoshe.

Isaya 9:21

Vanu va Manase na vanu va Efalime valinakulilwisa vakevo vavenya, co vatenguluka nakulwisa Yunda. Oloni nameme ngoco, vukalu vwa Shukulu Kalunga kuvukahu, anga nolola livoko lyendi mukuhisa.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Amose 4:13

Njambi ikeye watangele minkinda, co watangele lihunzi. Ikeye asholola viyongola vyendi ku munu ngeci munu avizivuke, ikeye atengulula mutanya kuupwisa vutsiki. Ikeye muka-kushwana ano asi oshe. Lizina lyendi ikeye, Shukulu Kalunga Njambi Muka-nzili yoshe!

Mateo 9:4

Oloni Yesu wazivukile viyongola vyavo, co wavehwile ngwendi, “Vikajo mulinakuyongwela vyuma vyavivi mu vimbunge vyeni?

Mako 2:8

Co aje vene Yesu wazivukile viyongola vyavo, ngeci wavehwile ngwendi, “Vikajo mulinakuyongwela vyuma vyangacije?

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

1 Kolinte 2:11

Omwo Munzinzime wetu lika uje ali muli yetu ikeye lika azivuka vyetu vyoshe, mu ngila eyi vene, kuvanga Munzinzime wa Njambi ikeye azivuka vyoshe vya ali Njambi.

Ngalatiya 5:15

Oloni nga mulinga ngwe tusitu, kulitwa vimbandu nakulivulumuna umo na mukwavo, co nyanyameni, kutewa mukalinyongesa umo na mukwavo.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Kujombolola 16:19

Nganda yakama yatavozokele mu vimbazuvwila vitatu, co vinganda vya mu mafuti oshe vyanyongele. Co Njambi wanukile Mbambilone yakama, co wainwisile vinyu vya mu nganja yendi, vinyu vya vukalu vwendi.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.