Mateo 11:3 - Livulu lya Shukulu Kalunga

³ nakumwihula ngwavo, “Tuleke, yove vene uje yatumbwile Yowano ngwendi akaija, nambe tucivandamene weka lalo?”

Mateo 11:3 Iomraidhean Croise

Kushangumuka 12:3

Njikavezikisa vaje vakakuvezikisa, oloni njikasinga vaje vakakusinga. Co muli yove njikavezikisilamo miyati yoshe.”

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Myaso 118:26

Njambi avezikise uje aija mu lizina lya Shukulu Kalunga! Tumivezikisa na vivezikiso vya mu Njuvo ya Shukulu Kalunga.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Ovandiya 1:21

Vanalume vaka-kuhyana va mu Yelusalema, vakashwana Endome. Shukulu Kalunga vavenya akapwa Mwene.”

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Hangai 2:7

Co njikatundisa miyati yoshe ya vanu, na vyuma vyavo vyoshe vya seo vikaija kuno, co Njuvo yange ikashula na vufuko.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Kulava 24:17

Co njikenga ku vije vikaija kulutwe, njamumono mwene uje akaija, oloni kesi kuyehi. Ikeye nalifu na ngongonosi yakuvyazima, akatuuka kuli Yakomba, mulamu wa vumwene ukatunda mu Isalele. Ikeye akamanesa nzili ya vantwama va vaMowavi, nakufungulula vanu voshe va ku Seta.

Mateo 11:10

Omwo Yowano ikeye uje ivasonekele mu visoneka ngwavyo, ‘Njambi wendekele ngwendi, kenga, njikatuma muluwa wange kulutwe lwove, ikeye akavwaesa ngila yove.’

Mateo 11:4

Co Yesu wavakumbulwile ngwendi, “Yeni mukaleke Yowano vyuma evi vimunazivi nevi vimunamono,

Mateo 21:5

“Lekeni nganda ya Siyone ngweni, Kenga, mwene yove alinakwija kuli yove! Wa kulikeesa, co nalondo a cimulu, naa muna cimulu wamundondo.”

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”

Mako 11:9

Co vanu vaje vatwamene kulutwe na vaje vakavele munima yendi vashangumukile kutambeka ngwavo, “Shangazaleni Njambi! Njambi amuvezikise ou aija mu lizina lya Mwene!

Luka 19:38

ngwavo, “Njambi avezikise mwene ou aija mu lizina lya Shukulu Kalunga! Kwoloka kukale mwilu na vumpau kuli Njambi!”

Yowano 11:27

Wakumbulwile ngwendi, “Eyo Mwene, njinakulaela ngeci yove u Wakuvwavesa, Muna Njambi, uje akaija ano a kaye.”

Yowano 12:13

Ngecivene, vatetele minango ya mashakavale vaile nakuliwana nendi, vatambekele ngwavo, “Shangazaleni Njambi! Njambi amuvezikise ou aija mu lizina lya Mwene! Njambi avezikise Mwene ya Isalele!”

Yowano 16:14

Akanjana vumpau, omwo akaziva vije vinjikendeka nakuvyambulula kuli yeni.

Yowano 4:21

Yesu wendekele kuli ikeye ngwendi, “Ove munakazi njikulaele, simbu ilinakwija omo vanu kuvakalemesela Tate a munkinda ou nambe mu Yelusalema.

Yowano 6:14

Omo vanu vakele kuje vamwene cikomokeso eci calingile Yesu, vendekele ngwavo, “Mwa vushunga ou ikeye Muka-kwimanena uje naija ano a kaye!”

Yowano 7:31

Oloni vanu vavangi vamuje mu mbunga vamukulaelele, vendekele ngwavo, “Omo Wakuvwavesa akaija, kuma akalinga vizivukiso vyavingi kutuvakana evi vyalinakulinga ou munalume ndi?”

VaHevelu 10:37

Ngwe muje muvyendeka visoneka ngwavyo, “Kucili kasimbu kakandondo lika co uje alinakwija akaija, co kakeshwala embwe.