Mateo 11:29 - Livulu lya Shukulu Kalunga

²⁹ Lilemekeni mandauluwa yange, co lilongeseni kuli yange, omwo yange njimukalyovwa-ovwa na kulikeesa mu mbunge, co mukawana kuhwima ku myonyo yeni.

Mateo 11:29 Iomraidhean Croise

2 Mizimbu 10:11

Valeke lalo ngwove, ‘Tate wamitwikile vitele vyakulema, oloni yange njikamilemuwisa manene. Tate wamipupisile civanzi, oloni yange njikamipupisa civanzi ca mambimbo!’ ”

Myaso 116:7

Mbunge yange simpa, omwo Shukulu Kalunga napu wamuvwa kuli yange.

Myaso 131:1

Shukulu Kalunga, yange njinecela kulyalesa kwange, co njinecela kulyaka ku vukama, yange kunjesi kukundama ku vin̄anda vyakama, nambe kukundama ku vyuma vyakukomokesa.

Visimo 3:17

Akeo akuvwaelelesa mukuyoya kwove, co lalo akutwamenena mu kwoloka.

Isaya 28:12

Namihwimisa muvavoshe nakumyana kwoloka, oloni yeni mwavyanene kumutolilila.

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Kulava 12:3

Mosesa wapwile munu wa kulikeesa kutuvakana vanu voshe ano asi.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 21:5

“Lekeni nganda ya Siyone ngweni, Kenga, mwene yove alinakwija kuli yove! Wa kulikeesa, co nalondo a cimulu, naa muna cimulu wamundondo.”

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Mateo 7:24

“Ngecivene, woshe aziva majwi ange awa nakuwononoka, napu ngwe munalume uje wakunyanyama watungilile njuvo yendi a limanya.

Luka 8:35

Co vanu vaileko nakukamona vije vyalingiwile, omo vezile kuli Yesu, co vawanene munalume uje wakele na minzinzime yakujwala natumbama ku mendi a Yesu, nazala mwamuvwa, nalikongomeka, co voshe vakele na lyova.

Yowano 13:15

Omwo njinamimwesa cimweso ngeci neni mulinge ngwe munjinalingi yange kuli yeni.

Yowano 13:17

Nga mwazivuka vyuma evi, mukavezika nga mukavilinga!

Vilinga vya Miluwa 7:37

Ou ikeye Mosesa uje walekele vanu va Isalele ngwendi, ‘Njambi akamitumina muka-kwimanena ngwe mwatumine yange, co akatunda akati keni vavenya.’

1 Kolinte 9:21

Mu ngila eyi vene, omo njipanga na vaje kesi vaYunda, njiyoya ngwe uje kesi kaYunda anja ya Lishiko lya vaYunda ngeci njikoke vaje kesi vaYunda. Eci kucalumbunukile ngeci kunjapandele kwononoka lishiko lya Njambi embwe, oloni, mwa vushunga vene, yange njili mwisi ya lishiko lya Kilistu.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 10:5

tulinakutundisa kulyalesa kwoshe kuje kwakutanukisa kuje kulinakulwisa mana a Njambi, tulinakutundisa viyongola vyoshe nakuvyaka ku vundungo ngeci vyononoke kuli Kilistu.

Filipu 2:5

Akati keni kaleni na mbunge ya cifwa cije cakele naco Kilistu Yesu.

1 Tesalonika 4:2

Omwo mwazivuka vilongesa vitwamilongesele na moko ya Mwene Yesu.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

1 Yowano 2:6

nga twendeka ngwetu simbu yoshe tulinakuyoya muli ikeye, tunapande kuyoya ngwe mwalingile Yesu Kilistu.