Mateo 11:25 - Livulu lya Shukulu Kalunga

²⁵ A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Mateo 11:25 Iomraidhean Croise

Kushangumuka 14:19

Co wavezikisile Avilama, nakwendeka ngwendi, “Njambi wa Akamwa ya Akamwa, uje watangele lilu na asi, avezikise Avilama!

Kushangumuka 14:22

Oloni Avilama wamukumbulwile ngwendi, “Njilisinga ku mesho a Shukulu Kalunga, Njambi wa Akamwa ya Akamwa, uje watangele lilu na asi,

2 Vimyene 19:15

co walombelele ngwendi, “Shukulu Kalunga, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

1 Mizimbu 29:13

Ngecivene, ololo Njambi yetu, tulinakukukandelela, nakushangazala lizina lyove lya vumpau.

Yombi 37:24

Ngecivene, vanu vakamukomoka, ikeye kesi kumbako mbunge, kuli vaje valiyongola vakevo vavenya kupwa vaka-mana.”

Myaso 8:2

vimbututu na vanike valinakuvwimba. Unovoka ku vitozi vove voshe, uvindika woshe uje akuyeluwisa.

Isaya 5:21

Ngongo yeni! Yeni munayongola ngweni munapu mu vaka-mana, co mwanyanyama manene.

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Ndanyele 2:23

Njikushangazala nakukusingimika, yove Njambi ya vakukulwila vange. Yove unanjana mana na nzili, unakumbulula lilombelo lyange nakutuleka vije vitukaleka mwene.”

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Mateo 21:16

Ngecivene, vehwile Yesu ngwavo, “Unazivi evi valinakwendeka ava ndi?” Yesu wavakumbulwile ngwendi, “Eyo njavizivi. Kuma kumwalavele mu visoneka ngwavo, ‘Mutunwa twa vanike na vimbututu mukemwo mukatunda kushangazala kwa vushunga ndi?’ ”

Luka 22:42

ngwendi, “Tate, nga ushaka, nganja eyi ya kayando itunde kuli yange. Kesi ngwe mwaya cizango cange embwe, oloni cizango cove cilingiwe.”

Luka 23:34

Yesu wendekele ngwendi, “Tate vasambese! Omwo kuvazivuka vika valinakulinga.” Co valipangelele vuzalo vwendi akati kavo akuta n̄ela.

Yowano 11:41

Ngecivene, vatundisileko limanya. Co Yesu wakengele kwilu wendekele ngwendi, “Tate, njikukandelela, omwo ukanjizivi.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

Yowano 12:28

Tate, shangazala lizina lyove!” Asinoni lijwi lyatundile mwilu ngwalyo, “Njinalishangazala laja, co njikalishangazala lalo.”

Vilinga vya Miluwa 17:24

Njambi uje watangele kaye na vyoshe vilimo, ikeye Mwene wa lilu na asi, co kesi kuyoya mu njuvo yakutunga na mavoko a vanu.

1 Kolinte 2:10

Oloni Njambi natusholwela vyakushwekesa ali Munzinzime wendi. Munzinzime akashakezeka vyuma vyoshe, nameme vizango vya Njambi vyakulova.

2 Kolinte 3:14

Mwa vushunga vene mana avo vawashokele nakweta ku litangwa lya lelo mana avo anga vanawafwiki na lilesu lya cifwa cije vene ngwe omo valava mavulu a cikumiiyo calaja. Lilesu eli valitundisa kuvanga omo munu ali muli Kilistu.

1 Samwele 2:18

Mu simbu ije vene Samwele wakele nakupangela Shukulu Kalunga, co wazalele kangamuna ka linyu kakujela.