Mateo 11:23 - Livulu lya Shukulu Kalunga

²³ Co nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi! Omwo vizivukiso vije vyalingiwile muli yove, nga vyalingiwile mu Sondoma, nga nganda ije anga kuyicili nakweta kulelo lino.

Mateo 11:23 Iomraidhean Croise

Kushangumuka 13:13

Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

Mbimbi 2:1

Shukulu Kalunga mu vukalu vwendi, nafwiki Siyone na lisusulungu. Nawisila asi vuvwa vwa Isalele nakuvupwisa vwangoco. A litangwa lya vukalu vwendi Shukulu Kalunga wasezele nameme vene Njuvo yendi.

Ezekiyele 26:20

Njikakushelumwisa kwisi mu lifuti lya vukalo vwa vatsi, ukalipandakana na vanu vaje vakeleko ku simbu ya ku san̄ulu. Ukakala muje mu lifuti lya vatsi myaka yoshe nakulipandakana amo na vatsi. Kuje vene kuukasa kwiluka mukutambula mutambela wove lalo mu lifuti lya vaka-kuyoya.

Ezekiyele 31:14

Ngecivene, kutunda ku lelo nakutwala kulutwe, kukwesi muti lalo, nameme vautukumwine vati mema ukapwa waulaja ngwe muti uje lalo, nambe minango yawo lalo kuyikatuvakana minango ikwavo ku vulaja nakweta ku mashelwa. Yoshe ikanyonga, co ikatsa ngwe muvakatsi vanu, ikanyonga nakulipandakana na vaje vashelumukila laja ku vukalo vwa vatsi.”

Ezekiyele 32:18

“Muna munu, lila omwo mbunga yakama ya vanu va mu Ingito. Vashelumwise amo na vakwavo vaka-miyati ya nzili ku lifuti lya vatsi.

Ezekiyele 32:24

“Elame kwali, amo na vimbumbo vya mashwalale vendi voshe vinamuzengeleka. Voshe vanatsi, vavatsiilile mu nzita, voshe vaile mwisi ya livu, kuvapwile vaka-kukulaela. Vazivisile vanu lyova mu lifuti lya vaka-kuyoya, oloni ololo valinakuziva shwamwa amo na vaje vali mu mbulu.

Ovandiya 1:4

Nameme upulwila mwilu ngwe ngonga, nakutungila njuvo yove akati ka vingongonosi, oloni nambe ngoco njikakuwisila asi.

Mateo 10:15

Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Mateo 17:24

Omo Yesu na vandongisi vendi vezile ku Kapenauma, vaka-kutambula lisimu va mu Njuvo ya Shukulu Kalunga vezile kuli Petulu vamwihwile ngwavo, “Kuma mulongisi weni akafwete lisimu lya mu Njuvo ya Shukulu Kalunga ndi?”

Mateo 4:13

Katumbamene kuje ku Nazaleta embwe, oloni waile ku Kapenauma, limbo lije lyakele kuyehi na Lishali lya Ngalileya, mu lifuti lya Zembuloni na lifuti lya Nafetali.

Mateo 8:5

Omo Yesu wakovelele mu Kapenauma, mukulunu wa mashwalale va Loma wezile kuli ikeye, wamulombele ngwendi,

Luka 10:15

Nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi!”

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

Luka 16:23

Ikeye wakele mu tuyando twakama mu Mbulu ya Tuhya, co wakengele kwilu, wamwene Avilahama ali kulyala, na Lazalu ali ku mati yendi.

Luka 4:23

Co wendekele kuli vakevo ngwendi, “Mwa vushunga mukanjitela cisimo eci ngweni, ‘Ove cimbanda likangwise yove vavenya!’ Neni mukanjileka lalo ngweni vyuma vyoshe vimwazivile vije vinjalingile ku Kapenauma njivilinge lalo kuno ku lifuti lyange.

Vilinga vya Miluwa 2:27

omwo kuukanjiseze mu vukalo vwa vatsi, nameme kutava muka-kujela wove ngeci avolele mu mbumbo.

Vilinga vya Miluwa 2:31

Ndaviti wamwene vika Njambi akapanga kulutwe, co wendekele akusanguka kwa Wakuvwavesa omo wendekele ngwendi, ‘Ikeye kuvamusezele mu vukalo vwa vatsi, muvila wendi kuwavolelele mu mbumbo.’

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 1:18

Yange muka-kuyoya! Njatsile, oloni kenga, njilinakuyoya ku myaka yoshe. Njili na moko yakutuvakana kutsa na vukalo vwa vatsi.

Kujombolola 11:8

co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.

Kujombolola 20:13

Co mema a kalunga atuwisile vatsi vaje vakelemo. Kutsa na lifuti lya vatsi lalo vecelele vatsi vaje vakelemo. Co voshe vavasompele ngwe ku vilinga vyavo vije vivalingile.

Kujombolola 6:8

Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.