Mateo 11:21 - Livulu lya Shukulu Kalunga

²¹ “Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vazalele vikeleya nakulikwita lito kumwesa ngeci vanatenguluka ku vivi vyavo!

Mateo 11:21 Iomraidhean Croise

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Njelemiya 13:27

Ikeye namimono mumuli nakulinga vije vyazinda. Ikeye namimono omo mulinakukavangeya vinjambi va makuli na nakulinga vupangala a malundu na mu mahya, ngwe munalume ashungwiya munakazi wa musamba wendi, nambe ngwe kavalu wa nkomba alinakweveyeya kavalu wa lwavo. Yeni vanu va mu Yelusalema, munavindama! Simbu mukajo mukajela?

Njwele 3:4

“Vikajo mushaka kulinga kuli yange, yeni vaka-Tile na Sindone na mafuti oshe a Filisitiya? Yeni mushaka kunjiilwisila cuma cimo ndi? Nga mukemwo, co nange vwasi-vwasi njikamifweta!

Amose 1:9

Shukulu Kalunga alinakwendeka ngwendi, “Vanu va ku Tile vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe mu vunzinda mu lifuti lya Endome, co kuvanyungile lizivasano lya vusamba vuvalingile.

Mateo 11:22

Oloni njimileka ngwange, a Litangwa Lyakusompa Njambi akatetela manene vanu va ku Tile na Sindone kutuvakana yeni!

Mateo 15:21

Co Yesu watundile ku mutambela uje waile ku lifuti lya kuyehi na vinganda vya Tile na Sindone.

Mateo 18:7

Kayando ka ano a kaye omwo ali vyuma vilinakutanukisa ngeci kesi vakulaele! Vyuma evi simbu yoshe vinapande kulingiwa, oloni kayando ka munu uje avilinga!

Mateo 26:24

Muna Munu akatsa ngwe muje muvasonekele, oloni ngongo yendi uje enda Muna Munu vungungu! Mwamuvwa kuli munu uje nga kasemukile!”

Mako 3:8

co veka lalo vatundile ku Yelusalema, veka lalo vatundile ku lifuti lya ku Indumeya, veka lalo vatundile ku lifuti lya musambwa ya Yondau, co vakwavo lalo vatundile ku mafuti aje azengelekele ku vinganda vya Tile na Sindone. Vanu voshe ava vezile kuli Yesu omwo vazivile vyuma vije vyakele nakulinga.

Mako 6:45

Aje vene Yesu wasindiiye vandongisi vendi ngeci vakovele mu vwato valivange kuya kulutwe ku Mbetesainda, musambwa ya lishali, omo simbu ikeye acili nakushandola vanu ngeci vaye.

Mako 7:24

Asinoni Yesu watundile ku mutambela uje waile ku lifuti lya kuyehi na nganda ya Tile. Co wakovelele mu njuvo kashakele munu umo amuzivuke ngeci ali kuje, oloni kasele kuvanda.

Mako 7:31

Asinoni Yesu watundile ku lifuti lya Tile, co waile ku Sindone nakweta ku Lishali lya Ngalileya, co watuvakanene mu lifuti lya Vinganda Likumi.

Mako 8:22

Co vezile ku Mbetesainda, co vanu vamo vamunenelele umo kapuputwa wa munalume valambelelele Yesu ngeci amukambeke mavoko.

Luka 4:26

Oloni Elinja vamutumine lika kuli fwile umo wakele ku Zalefate mu lifuti lya Sindone.

Luka 6:17

Omo Yesu washelumukile amo na miluwa vendi ku munkinda, co wemanene ku mutambela wakukunama na mbunga yakama ya vandongisi vendi. Co mbunga yakama ya vanu vatundile ku Yundeya na ku Yelusalema, na vaje vatundile ku vinganda vyakele ku cikuma ca ku Tile na ku Sindone,

Luka 9:10

Miluwa va Yesu velukile vamulekele vyoshe vije vivalingile. Co waile amo navo wavatwalele kwavo lika ku nganda ivatumbwile Mbetesainda.

Yowano 1:44

(Filipu watundile ku Mbetesainda, ku nganda kuvakele va Anduleo na Petulu.)

Yowano 12:21

Ngecivene, vaile kuli Filipu (watundile ku Mbetesainda mu Ngalileya), vendekele ngwavo, “Mwene, tushaka kumona Yesu.”

Vilinga vya Miluwa 12:20

Helonde waluvalele manene na vanu va ku Tile na ku Sindone, ngecivene, vaile mu mbunga yavo vakamone Helonde. Akulivanga valambelelele Mbalasitase muka-kunyunga ku lipela ngeci avakwase. Asinoni vaile kuli Helonde nakumulomba ngeci kukale kwoloka, omwo lifuti lyavo lyakele nakutambula vyakulya vyakutunda ku lifuti lya mwene.

Vilinga vya Miluwa 27:3

Alikaki twetele ku Sindone. Co Njulyasi wakele na ngozi na Paulu, co wamutavele ngeci akamone vasamba vendi, ngeci vakamukwase vije vyajenekele.

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.

Kujombolola 11:3

Co njikatuma vakaleo vange vavali, vakazala vikeleya, co vakambulula muzimbu wa Njambi a matangwa aje akupwa 1,260.”

Kujombolola 6:12

Co njamwene Muna Manga avatula kasateso kamucitanu na kamo. Co kenga, kwakele mandunduma akama manene, litangwa lyazivalele ngwe cikeleya cakuzivala na ngonde yemukile lalo yakuvenga ngwe maninga.