Mateo 11:19 - Livulu lya Shukulu Kalunga

¹⁹ Omo Muna Munu wezile, ikeye walile nakunwa, co vanu vendekele ngwavo, ‘Kengeni ou munalume! Watsa akulya na akunwa vinyu, musamba wa vaka-kutambula lisimu na vaka-vuvi!’ Oloni mana a Njambi anasholoka kupwa a vushunga a vilinga vyawo.”

Mateo 11:19 Iomraidhean Croise

Myaso 109:20

Eci cipwe cihiso cakama ku vitozi vange cakutunda kuli Shukulu Kalunga, vitozi vaje vendeka vyuma vyavivi ali yange.

Visimo 17:24

Muka-mana mesho endi ali ku vyuma vya mana, oloni mesho a cilema akenga ku vyuma vyangoco.

Visimo 23:21

Vaka-kupenda na vaka-kutsa akulya, vakapwa tuutu. Nga ulya nakulala lika tulo, co ukazala visanyu-visanyu.

Mateo 5:46

Omwo nga muzema vaje vamizema, cikandelela mukajo mukatambula kuli Njambi? Kuma nameme vaka-kutambula lisimu kesi mukemwo muvakalingi ndi?

Luka 14:1

Yesu wakovelele mu njuvo ya mukulunu umo wa vaFaliseo nakulya nendi a Litangwa Lyakuhwima, co vanu vamukengelele.

Luka 19:7

Vanu voshe vaje vacimwene vangungutile ngwavo, “Munalume ou nai ngwe mungenzi ku njuvo ya muka-vuvi!”

Luka 7:29

Vanu voshe vamuzivile, vakevo amo na vaka-kutambula lisimu vononokele vushunga vwa Njambi, co vavambwitikile kuli Yowano.

Yowano 2:2

co Yesu amo na vandongisi vendi navo lalo vavalanyele ku ciwano cije.

Loma 15:2

Oloni tuvavoshe tunapande kuvwaelelesa vakwetu mukuvalingila vyavivwa, ngeci vakole mukukulaela.

Kujombolola 7:12

vendekele ngwavo, “Ewa! Kushangazala na vumpau na mana nakukandelela na kasingimiko na nzili na vukama vyapwa vya Njambi yetu ku myaka yoshe! Ewa!”