Mateo 11:17 - Livulu lya Shukulu Kalunga

¹⁷ ‘Twamimbilile myaso ya vushombolwa, oloni kumwakinine! Twamimbilile myaso ya vusiwa, oloni kumwalilile!’

Mateo 11:17 Iomraidhean Croise

Kushangumuka 50:10

Omo vetele ku mwela wa lijungwilo ku Atande mu ngangela ya Yondau, valilile nakukangoka simbu yakama manene, co Yosefa walingile ciwano cakulila ishe matangwa atanu na avali.

1 Vimyene 1:40

Asinoni vanu voshe vamukavele munima, vatambekele nakujolela nakwimba vimbendo, valingile muyoyo wakama, co livu lyajajele.

Isaya 30:29

Oloni yeni, vanu va Njambi, mukavwaelela nakwimba ngwe mumukalingi ku vutsiki vwa ciwano cakujela. Mukavwaelela ngwe vaje vaya na vimbendo mu ngila yavo yakuya ku Njuvo ya Shukulu Kalunga, muka-kwamena wa Isalele.

Njelemiya 31:4

Co lalo njikakala neni, co lalo mukambata tumbulumbumba tweni nakukina nakujolela manene.

Mateo 11:16

“Yanini vanu va matangwa ano njasa kuvesekesa na vikajo? Vakevo vanafu ngwe vanike vaje vanatumbama ku mutambela wakulandesela vyuma, co vatambekela ku vakwavo ngwavo,

Mateo 11:18

Omwo Yowano wezile, kalile vyakulya nambe kunwa vinyu, co vendekele ngwavo, ‘Ali na munzinzime wakujwala!’

Mateo 9:15

Yesu wavakumbulwile ngwendi, “Kuma yeni mukengelela vangenzi ku ciwano ca vulo ngeci vaye na njala ndi? Mwa vushunga vene embwe! Omo vavenya vulo acili navo kuvapandele kulinga ngacije. Oloni litangwa likaija omo vakatundisa vavenya vulo akati kavo, asinoni vakalikela kulya.

Mateo 9:23

Co omo Yesu wezile ku njuvo ya uje mukulunu, co wamwene vanu vakele nakulila, co vanu vavangi vakele nakulinyenga,

Luka 15:25

“Co uje munendi wa mukulunu a simbu ije wakele mu lihya. Omo wakele nakwiluka, wetele kuyehi na njuvo, co wazivile myaso nakukina.

Luka 23:27

Mbunga yakama ya vanu vamukavele, akati kavo akele vanakazi vaje vakele nakulila nakulinyenga ali ikeye.

Luka 7:32

Vakevo vanafu ngwe vanike vaje vanatumbama ku mutambela wakulandesela vyuma, co vatambekela ku vakwavo ngwavo, ‘Twamimbilile myaso ya vushombolwa, oloni kumwakinine! Twamimbilile myaso ya vusiwa, oloni kumwalilile!’

Luka 8:52

Vanu voshe kuje valilile nakulinyenga ali uje mwanike. Co Yesu wendekele kuli vakevo ngwendi, “Kesi mulile, ou mwanike katsile embwe, oloni nalala lika tulo!”