Mateo 11:11 - Livulu lya Shukulu Kalunga

¹¹ Mwa vushunga njimileka ngwange, akati ka vanu voshe vaje vanakalako, kukwesi umo natuvakana Yowano Muka-kumbwitika. Oloni uje wamundondo mu Vumwene vwa mwilu ikeye natuvakana Yowano.

Mateo 11:11 Iomraidhean Croise

Yombi 14:1

“Munu woshe wakusemuka ku munakazi, matangwa endi apwa amandondo, ashula na tuyando.

Yombi 14:4

Cuma nacimo cai cakujela citunda ku cuma cakujeneka kujela ngwe munu.

Yombi 15:14

“Kuma munu asa kupwa wakujela ndi? Kuma munu asa kupwa muka-vushunga ku mesho a Njambi ndi?

Yombi 25:4

Kuma munu asa kupwa muka-vushunga, nambe kupwa wakujela ku mesho a Njambi ndi?

Myaso 51:5

Kenga, vanjikitilile mu vuvi, na mu vuvi mukemwo muvanjimitilile vanana.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Zakaliya 12:8

A simbu ije Shukulu Kalunga akanyunga vaje vakala mu Yelusalema, nameme vaje vakuzeya manene akati kavo vakakala na nzili ngwe yakele nayo Ndaviti. Vatekulwila va Ndaviti vakashwana ngwe kangelo ka Shukulu Kalunga, ngwe Njambi vene vavenya.

Mateo 11:10

Omwo Yowano ikeye uje ivasonekele mu visoneka ngwavyo, ‘Njambi wendekele ngwendi, kenga, njikatuma muluwa wange kulutwe lwove, ikeye akavwaesa ngila yove.’

Mateo 11:12

Kutunda ku matangwa a Yowano Muka-kumbwitika kweta na ku lelo, Vumwene vwa mwilu vanakala nakuvulwisa, co vaka-muuka vavutambula na nzili.

Mateo 3:1

A matangwa aje kwezile Yowano Muka-kumbwitika, wambulwile mu mambo ya Yundeya ngwendi,

Mateo 3:11

Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Mateo 5:19

Ngecivene, woshe apokola lishiko limo lya ku majwi a Lishiko, co alongesa vanu ngeci valingemo, akapwa wamundondo mu Vumwene vwa mwilu, oloni woshe akawononoka nakuwalongesa vakwavo, akapwa wakama mu Vumwene vwa mwilu.

Luka 1:15

Akapwa wakama ku mesho a Shukulu Kalunga. Kakanu vinyu nameme vyuma vyakulula vije vipendesa. Tunde akusemuka kwendi akashula na Munzinzime Wakujela,

Luka 7:28

Mwa vushunga njimileka ngwange, ku vanu voshe vaje vanakalako, kukwesi umo natuvakana Yowano. Oloni nameme ngoco uje wamundondo mu Vumwene vwa Njambi ikeye natuvakana Yowano.”

Luka 9:48

co wendekele kuli vakevo ngwendi, “Woshe atambula mwanike ou mu lizina lyange, co natambula yange vene, woshe uje anjitambula, natambula lalo uje wanjitumine. Omwo woshe uje napu wamundondo akati keni muvavoshe, ikeye napu wakama.”

Yowano 1:15

Yowano wambulwile vya ali ikeye. Co watambekele ngwendi, “Ou ikeye uje injamilekele ngwange, ‘Alinakwija munima yange, oloni ikeye napu wakama kutuvakana yange, omwo ikeye wakeleko akulivanga omo yange kanda njisemuke.’ ”

Yowano 1:27

Ikeye alinakwija munima yange, oloni yange kunjafwililile nameme kuzitula miva ya a vin̄aku vyendi.”

Yowano 10:41

Co vanu vavangi vezile kuli ikeye, co vendekele ngwavo, “Yowano kalingile vizivukiso, oloni vyuma vyoshe vyendekele ali munu ou vinapu vya vushunga.”

Yowano 3:30

Ikeye napande kupwa wakama, oloni yange njipande kupwa wamundondo.”

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Yowano 7:39

Yesu wendekele evi ali Munzinzime Wakujela uje uvakatambula vaje vanakulaela kuli ikeye. A simbu ije Munzinzime Wakujela te kanda vacimutambule, omwo Yesu te kanda asanguke ku vumpau.

1 Kolinte 15:9

Omwo yange njapwa wakukotokela kuli voshe miluwa, kunjapandelemo mukunjitumbula muluwa, omwo njapakesele cikungulukilo ca Njambi.

1 Kolinte 6:4

Nga muli na vin̄anda vimo, kuma muvitwala vakavishungamese kuli vanu vaje kuvesi na mwela mu cikungulukilo ndi?

Efeso 2:3

Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.

VaHevelu 11:40

omwo Njambi wayongweleo nakuwana vutumbe vwakuhyana ali yetu. Vutumbe vwendi vunapu omo akukala amo netu ngeci vapwe vakujela.

1 Petulu 1:10

Vyakwovoka oku vaka-kwimanena vacitonenenene nakucishakezeka, co vambulwile vuka-kwimanena vwa vivezikiso vije vikasholoka kulutwe vije vyakamyana Njambi.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.