Mateo 10:42 - Livulu lya Shukulu Kalunga

⁴² Co woshe uje aana nganja ya mema akutonola kuli umo wa ava vavandondo omwo napu muka-kunjikava, mwa vushunga njimileka ngwange, akatambula cikandelela.”

Mateo 10:42 Iomraidhean Croise

1 Vimyene 17:11

Omo acili nakuya nakukashaka mema, co wamutambekelele lalo ngwendi, “Njineneleniko na makende lalo.”

2 Vimyene 4:10

Tumutungile kamulili akamwa ya njuvo, twakemo vulili, na mesa, na citumbamo, na ndeya, co ase kukalamo oshe aje ezila nakutusikamesela.”

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Visimo 24:14

Unapande kuzivuka ngeci mukemwo muwanafu mana ku mwonyo wove. Nga ukala na mana, co cinyangavili cove kucikahu.

Muka-kwambulula 11:1

Pangesa vimbongo vyove mu vipangi vyakulanda nakulandulula, co a litangwa limo ukawanao vimo.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 18:14

Ngecivene, kesi cizango ca Ishweni ali mwilu ngeci umo wamundondo akanyonge.

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Luka 17:2

Mwamuvwa kuli ikeye nga vamukutiiya limanya lyakama lyakulolela vunga mu mukoshi wendi nakumumbila mu mema a kalunga kutuvakana atanganese mwanike umo wamundondo kulinga vuvi!

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.