Mateo 10:30 - Livulu lya Shukulu Kalunga

³⁰ Oloni Ishweni walava vin̄ambu vyoshe vya ku mitwe yeni.

Mateo 10:30 Iomraidhean Croise

2 Samwele 14:11

Co uje munakazi wendekele ngwendi, “Shukulu, shukulu, lombela kuli Shukulu Kalunga Njambi yove, ngeci kavushoko kange ou ashaka kulinga shambandinga a kutsa kwa munange, kesi alinge mulonga wakama lalo wakutsiya munange mukwavo nasalako.” Co Ndaviti wamukumbulwile ngwendi, “Njikukulaesa ali Shukulu Kalunga wakuyoya ngwange munove kakavulumuka lalo embwe.”

1 Vimyene 1:52

Solomoni wakumbulwile ngwendi, “Nga ikeye napu wa kulongwa, kunjikamutsii, oloni nga kapwile wa kulongwa, co njikamutsiya.”

Luka 12:7

Ishweni azivuka vin̄ambu vyoshe vya ku mitwe yeni. Ngecivene, kesi muzive lyova, omwo seo yeni inatuvakana seo ya tunzilili vavangi!

Luka 21:18

Oloni nambe cin̄ambu cimo ca ku mutwe weni kucikazimbala.

Vilinga vya Miluwa 27:34

Ngecivene, njimilomba ngwange mulye vyakulya, muvishaka ngeci vimyane nzili. Nambe vin̄ambu vya ku mitwe yeni kuvikazimbala.”

1 Samwele 14:45

Oloni vanu vendekele kuli Saulu ngwavo, “Kuma Yonatana, ou nahyanesa manene Isalele, vamutsiye ndi? Embwe! Tulisinga ali Shukulu Kalunga wakuyoya ngwetu, kakasa kuzimbalesa nameme cin̄ambu ca ku mutwe wendi. Eci canalingi ku litangwa lya lelo cinapu kukwasa kwa Njambi.” Ngecivene, vanu vaamenene Yonatana kukumutsiya.