Mateo 10:15 - Livulu lya Shukulu Kalunga

¹⁵ Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Mateo 10:15 Iomraidhean Croise

Mateo 12:36

“Yange njimileka a cuma eci ngwange, a Litangwa Lyakusompa munu woshe akalangulula majwi oshe angoco aje endekele.

Mateo 5:18

Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Mateo 7:22

A Litangwa Lyakusompa, vavangi vakendeka kuli yange ngwavo, ‘Mwene, Mwene! Mu lizina lyove twambulwile muzimbu wa Njambi, co lalo mu lizina lyove twatundisile minzinzime yakujwala, co lalo mu lizina lyove twalingile vizivukiso vyavingi!’

Mako 6:11

Co nga muketa ku nganda imo kuje vanu kuvakamitambula mwamuvwa nambe kumitolilila, tundeniko, co totomoneni likungu ku myanja yeni. Eci cikapwa vukaleo kuli vakevo.”

Yowano 12:48

Woshe anjivyana, co katambula majwi ange, kwali umo uje akamusompa. Majwi aje njinendeka akewo akapwa lyaako lyendi a litangwa lyakukotoka!

Yowano 6:39

Co cizango ca uje wanjitumine cinapu kunyunga voshe vaje vananjana ngeci voshe njikavasangwile ku mwonyo a litangwa lyakukotoka.

Yowano 6:40

Omwo eci cikeco cizango ca Tate ngeci voshe vaje vamona Mwana nakukulaela kuli ikeye vakale na mwonyo wa myaka yoshe. Co njikavasangwila ku mwonyo a litangwa lyakukotoka.”

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

1 Kolinte 3:13

Co vipangi vya munu na munu vikasholoka a Litangwa lya Kilistu lije likavisholola. Omwo a Litangwa omwo vakavimwesa lije tuhya tukasholola vipangi vya munu na munu, tuhya tukavyeseka nakusholola seo yavyo.

1 Tesalonika 5:4

Oloni yeni vasamba vange, kumwesi mu lisusulungu, co Litangwa lije kesi likamikasumune ngwe mwizi.

VaHevelu 10:25

Kesi tulikele kulikungulula amolika, ngwe futisi ya vamo. Oloni tulikoleseni umo na mukwavo nakuhyana, omwo Litangwa lya Mwene lili muyehi.

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.

1 Yowano 4:17

Cizemo cinatungukwa muli yetu ngeci tusimpe a Litangwa Lyakusompa, co tukakala naco omwo kuyoya kwetu kwa muno mu kaye kwapwa cifwa cimo ngwe Kilistu.

Yunda 1:6

Anukeni tungelo vaje kuvanyungile myela yavo na moko yavo, oloni vasezele mwela wavo, vanavakutiiya na malyenge a myaka yoshe mu lisusulungu lya kwisi, kuje kwanavanyungila Njasmbi noo ku Litangwa lije lyakama omo vakavahisa.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.