Mateo 10:14 - Livulu lya Shukulu Kalunga

¹⁴ Co nga naumo wai amitambula nambe kutolilila ku vije vimwendeka, asinoni tundeni mu njuvo ije nambe mu nganda ije, totomoneni likungu ku myanja yeni.

Mateo 10:14 Iomraidhean Croise

Nehemiya 5:13

Asinoni njashulwile cizalo cinjalizengelele mu mbunda yange, njacitotomwene, co njendekele ngwange, “Omu mukemwo mwakatotomona Njambi vaje kuvakanyungu cikulaeso cavo.” Co njendekele lalo ngwange, “Njambi akaminyeka vinjuvo vyeni na vyuma vyoshe vije mulinavyo, co akamiseza mavoko-voko.” Voshe vaje vakele kuje vendekele ngwavo, “Ewa!” Vashangazalele Shukulu Kalunga. Co vantwama vanyungile cikulaeso cavo.

Mateo 10:13

Co nga vanu va mu njuvo ije vamitambula mwamuvwa, taveni kwoloka kweni kukalemo, oloni nga kuvakamitambula mwamuvwa, kwoloka kweni kwiluke kuli yeni vavenya.

Mateo 18:5

Woshe atambula mwanike wamundondo ngwe ou mu lizina lyange, co atambula yange vene.

Mako 6:11

Co nga muketa ku nganda imo kuje vanu kuvakamitambula mwamuvwa nambe kumitolilila, tundeniko, co totomoneni likungu ku myanja yeni. Eci cikapwa vukaleo kuli vakevo.”

Mako 9:37

“Woshe atambula mwanike umo wamundondo ngwe ou mu lizina lyange, natambula yange vene, woshe uje anjitambula, katambwile yange lika, oloni natambula uje wanjitumine.”

Luka 9:48

co wendekele kuli vakevo ngwendi, “Woshe atambula mwanike ou mu lizina lyange, co natambula yange vene, woshe uje anjitambula, natambula lalo uje wanjitumine. Omwo woshe uje napu wamundondo akati keni muvavoshe, ikeye napu wakama.”

Luka 9:5

kwoshe kuje vakavyana kumitambula, co tundeni mu nganda ije, co totomoneni likungu ku myanja yeni ngeci cipwe cuma cakuvanangula.”

Yowano 13:20

Mwa vushunga njimileka ngwange, woshe uje atambula uje njinatumu, atambula yange lalo, co woshe uje atambula yange atambula uje wanjitumine.”

Vilinga vya Miluwa 13:51

Oloni miluwa vatotomwene likungu ku myanja yavo kupwa cihiso ca vanu vamuje mu mutambela, co vaile ku Ikoniyame.

Vilinga vya Miluwa 18:6

Omo vamulwisile nakumwendeka vyuma vyavivi, co watotomwene likungu ku vinanga vyendi wendekele kuli vakevo ngwendi, “Nga munazimbala, unapu mulonga weni vavenya! Yange kunjesi na mulonga wai. Kutunda ku litangwa lya lelo nakutwala kulutwe njiya kuli vaje kesi vaYunda.”

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.