Mateo 10:11 - Livulu lya Shukulu Kalunga

¹¹ “Omo mweta mu nganda nambe mwimbo, kovelenimo, co seteleni munu iya uje napande kumitambula mwamuvwa, co tumbameni nendi noo mukatundako.

Mateo 10:11 Iomraidhean Croise

Yombi 31:32

Njalanyele vangenzi kwija ku njuvo yange, co yange kunjavatavele ngeci valale mushandangala yangoco.

Mateo 10:10

Kesi mwambate lipakumuna mu vungenzi vweni, nambe vikoveyo vivali, nambe vin̄aku, nambe mulamu. Omwo muka-kupanga napande kutambula fweto yendi.

Mateo 10:12

Omo mukakovela mu njuvo, endekeni ngwendi, ‘Kwoloka kukale neni.’

Mako 6:10

Co wavalakele lalo ngwendi, “Kwoshe kuje kuvakamitambula mwamuvwa, tumbameni ku njuvo ije vene noo mukatunda ku mwela uje.

Luka 19:7

Vanu voshe vaje vacimwene vangungutile ngwavo, “Munalume ou nai ngwe mungenzi ku njuvo ya muka-vuvi!”

Luka 9:4

Kwoshe kuje kuvakamitambula mwamuvwa, tumbameni ku njuvo ije vene noo mukatunda mu nganda ije,

Vilinga vya Miluwa 16:15

Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.