Mateo 1:16 - Livulu lya Shukulu Kalunga

¹⁶ Yakomba wakitile Yosefa uje wambatele Maliya vaina ya Yesu, uje vatumbwile ngwavo Wakuvwavesa.

Mateo 1:16 Iomraidhean Croise

Mateo 1:15

Elyunde wakitile Elyazale, Elyazale wakitile Matane, Matane wakitile Yakomba,

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 16:20

Asinoni Yesu wasin̄ikile vandongisi vendi ngwendi kesi valekeko munu umo ngwavo ikeye Kilistu Wakuvwavesa.

Mateo 2:13

Omo vanai laja, kangelo ka Mwene washolokele kuli Yosefa mu njozi ngwendi, “Helonde ashakezeka mwanike ngeci amutsiye. Ngecivene, induka, ambata mwanike amo na vaina mutewele ku Ingito, mukakaleko noo njikakuleka ngeci mwiluke.”

Mateo 27:17

Ngecivene, omo mbunga ya vanu vakungulukile, co Pilato wavehwile ngwendi, “Iyajo mushaka ngeci njimyeceleye? Yesu Mbalambasa nambe Yesu uje ivatumbula Kilistu?”

Mateo 27:22

Pilato wavehwile ngwendi, “Vikoni njikalinga na Yesu ou ivatumbula Kilistu?” Co voshe vatambekele ngwavo, “Mushukike a cilindakano!”

Mako 6:3

Kuma kesi ikeye muka-kushonga, muna Maliya, na ndolome ya Yakomba, na Yosefa, na Yundasa, na Simoni ndi? Co kuma kutwesi na vandokazi vendi kuno ndi?” Co vakevo vamuvyanene.

Luka 1:27

Kangelo wakele na lijwi kuli mumbanda umo kanda alimone na munalume wakuulila kuli munalume lizina lyendi Yosefa, wa ku naanga ya Mwene Ndaviti. Lizina lya uje mumbanda lyapwile Maliya.

Luka 2:48

Visemi vendi omo vamumwene valikomokelele, co vaina vendekele kuli ikeye ngwavo, “Munange, vika unatulingilamo? Kenga, isho nange tunakushakezeka manene ngeci tukuwane.”

Luka 2:7

Co wakitile munendi wa ntwatwa wa munalume, wamuzengelele a vinanga, wamulangekele mu cikasa cakulila vingombe, omwo kukwakele mulili mu njuvo yakutulila vangenzi.

Luka 3:23

Yesu wakele na myaka makumi atatu omo washangumukile vipangi vyendi. Co vanu vamuyongwele ngwavo ikeye muna Yosefa, Yosefa wapwile muna Heli,

Luka 4:22

Co voshe vamushangalele, valikomokelele ku majwi endi endekele, vendekele ngwavo, “Ou kesi ikeye uje muna Yosefa ndi?”

Yowano 4:25

Munakazi wendekele kuli ikeye ngwendi, “Njazivuka ngwange Wakuvwavesa alinakwija, co omo naija, akatuleka vyuma vyoshe.”