Mateo 1:12 - Livulu lya Shukulu Kalunga

¹² Kutunda a simbu ije omo vanavatwala laja ku vunzinda ku Mbambilone, Yehoyakine wakitile Sheyaletiyele, Sheyaletiyele wakitile Zelumbambele,

Mateo 1:12 Iomraidhean Croise

2 Vimyene 24:14

Nevukaneza watwalele vanu va mu Yelusalema kuvapwisa vinzinda, na vana va vimyene voshe na vantwama voshe va mu Yunda, voshe vapwile 10,000. Co lalo watwalele vanu voshe vatongwe na vaka-kufula, wasezelemo tuutu lika mu Yunda.

2 Vimyene 25:27

Mu mwaka uje omo Evilemelondake wapwile mwene wa Mbambilone, co wamwesele ngozi kuli Mwene Yehoyakine wa mu Yunda akumutundisa mu kamenga. Eci calingiwile a litangwa lyamumakumi avali na atanu na avali ku ngonde yamulikumi na vivali mu mwaka wamumakumi atatu na myaka itanu na ivali kutunda aje vatwalelele Yehoyakine ku vunzinda.

1 Mizimbu 3:17

Ava vakevo vatekulwila va Mwene Yehoyakine, uje vatwalele ku vunzinda ku vaMbambilone. Yehoyakine wakele na vana vatanu na vavali mazina avo, Sheyaletiyele,

Ezela 3:2

co Yoshwa muna Yehozandake, na nakwavo vaka-kukombelela, na Zelumbambele muna Sheyaletiyele, amo na vavushoko vwendi, vatungulwile mutula wa Njambi ya Isalele, ngeci venyekeleo vin̄ombelo ngwe ku vilongesa vije vivasoneka mu Lishiko lya Mosesa, munu wa Njambi.

Ezela 5:2

Omo Zelumbambele muna Sheyaletiyele, na Yoshwa muna Yehozandake vazivile majwi avo, co vashangumukile kutungulula Njuvo ya Shukulu Kalunga mu Yelusalema, co vaje vaka-kwimanena vavali vavakwasele.

Nehemiya 12:1

Ou ukewo mukana wa mazina a vaka-kukombelela na vaLevi vaje velukile kutunda ku vunzinda na Zelumbambele muna Sheyaletiyele amo na Yoshwa Muka-kukombelela Wakama. Vaka-kukombelela vapwile, Selaya, na Njelemiya, na Ezela,

Njelemiya 22:24

Shukulu Kalunga wendekele kuli Mwene Yehoyakine, muna Mwene Yehoyakime wa mu Yunda ngwendi, “Mwa vushunga yange njapwa Njambi wakuyoya, nameme nga wapwile kanzeya ka ku livoko lyange lya cilyo nga njakushomonako,

Njelemiya 22:28

Njendekele ngwange, “Kuma Mwene Yehoyakine napu ngwe njava ya kutsa ije ivanombila kuti, ije naumo wai aishaka ndi? Kuma mukemwo vana vendi vanavatwala ku vunzinda ku lifuti lije kuvazivukile mulyafwa?”

Njelemiya 22:30

Shukulu Kalunga nendeka ngwendi, “Munalume ou kakakala na vana, kakavezika mukuyoya kwendi kwoshe. Kakakala na vatekulwila, vaje vakamushwana mu Yunda kushwana a litanda lya Ndaviti. Yange Kalunga, njinendekamo.”

Njelemiya 27:20

vije vyasezele Nevukaneza mwene wa Mbambilone omwo watwalele mu vunzinda Yehoyakine muna Yehoyakime mwene wa mu Yunda, kutunda ku Yelusalema nakuya ku Mbambilone, amolika na vakulunu voshe va mu Yunda na Yelusalema.)

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Hangai 1:12

Asinoni Zelumbambele na Yoshwa, na vanu voshe vaje velukile kutunda ku vunzinda ku Mbambilone, vononokele majwi a Shukulu Kalunga Njambi yavo. Vakele na lyova, co vononokele Hangai muka-kwimanena, muluwa wa Shukulu Kalunga.

Hangai 1:14

Shukulu Kalunga watakamesele munu na munu kupanga vipangi vya ku Njuvo ya Shukulu Kalunga, Zelumbambele, nguvulu wa mu Yunda, na Yoshwa, Muka-kukombelela Wakama, na vanu voshe vaje vatundile ku vunzinda. Vashangumukile kupanga ku Njuvo ya Shukulu Kalunga Muka-nzili yoshe, Njambi yavo.

Hangai 2:2

Shukulu Kalunga walekele Hangai kwendeka kuli Zelumbambele, nguvulu wa mu Yunda, na kuli Yoshwa Muka-kukombelela Wakama, na kuli vanu, ngwendi,

Hangai 2:23

A litangwa lije vene njikakwambata yove Zelumbambele ngamba yange, co ukashwana mu lizina lyange. Yove vene injinaangula.” Mukemwo mwanendeka Shukulu Kalunga, Muka-nzili yoshe.

Mateo 1:11

Yosiya wakitile Yehoyakine na vandolome vendi, a simbu ije vavatwalele ku vunzinda ku lifuti lya Mbambilone.

Mateo 1:13

Zelumbambele wakitile Aviyunde, Aviyunde wakitile Elyakime, Elyakime wakitile Azole,

Mateo 1:17

Ngecivene, kushangumuka kuli Avilahama nakweta kuli Ndaviti vikota vyoshe vyapwile likumi na viwana, kutunda kuli Ndaviti nakweta ku mwaka uvavatwalele ku vunzinda ku Mbambilone vyapwile vikota likumi na viwana, co lalo kutunda ku mwaka uvavatwalele ku vunzinda ku Mbambilone nakweta kukusemuka kwa Wakuvwavesa vyapwile vikota likumi na viwana.

Luka 3:27

Yonda wapwile muna Yowanane, Yowanane wapwile muna Lehesa, Lehesa wapwile muna Zelumbambele, Zelumbambele wapwile muna Sheyaletiyele, Sheyaletiyele wapwile muna Neli,