Mateo 1:1 - Livulu lya Shukulu Kalunga

¹ Ou ukewo mukana wa vikota vya vakukulwila va Yesu Kilistu, wa ku cikota ca Ndaviti, na ku cikota ca Avilahama.

Mateo 1:1 Iomraidhean Croise

Kushangumuka 12:3

Njikavezikisa vaje vakakuvezikisa, oloni njikasinga vaje vakakusinga. Co muli yove njikavezikisilamo miyati yoshe.”

Kushangumuka 2:4

Ovu vukevwo vushangumukilo vwa lilu na asi na vyuma vyoshe vije vyatangele. Omo Shukulu Kalunga Njambi wamanesele kutanga lilu na asi na vyuma vyoshe vilimo,

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

Kushangumuka 5:1

Eli likelyo livulu lya vatekulwila va Andama. Omo Njambi watangele vanu, wavatangele mu cifwa cendi vavenya.

Myaso 132:11

Yove wakulaesele Ndaviti, cikulaeso cije kuukevala ngwove,

Myaso 89:3

Yove wendekele ngwove, “Njinalingi cikumiiyo na uje injinaangula, njinalisingi na ngamba yange Ndaviti,

Myaso 89:36

Vatekulwila vendi vakashwana simbu yoshe, co vumwene vwendi vukakala simbu yoshe ngwe litangwa.

Isaya 11:1

Cikota ca vumwene vwa Ndaviti cinalifu ngwe muti wakushinja, oloni minango yaiha ijovelela ku cimbundi, ngecivene, mwene wamuhwa akatunda akati ka vatekulwila va Ndaviti.

Isaya 53:8

Vamukutile nakumusompesa, co vamutwalele nakumutsiya, naumo wai walinyengele a tuyando twendi. Vamutsiile omwo vuvi vwa vanu vetu.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Zakaliya 12:8

A simbu ije Shukulu Kalunga akanyunga vaje vakala mu Yelusalema, nameme vaje vakuzeya manene akati kavo vakakala na nzili ngwe yakele nayo Ndaviti. Vatekulwila va Ndaviti vakashwana ngwe kangelo ka Shukulu Kalunga, ngwe Njambi vene vavenya.

Mateo 1:18

Oku kukekwo kusemuka kwa Yesu Kilistu. Omo vaina Maliya vamuulilile kuli Yosefa, oloni simbu kanda vacimwambate, vamumwene ali na kafumba ka ku Munzinzime Wakujela.

Mateo 1:2

Avilahama wakitile Isake, Isake wakitile Yakomba, Yakomba wakitile Yunda na vandolome vendi,

Mateo 15:22

Munakazi umo wa ku Kanana uje wakele mu lifuti lije wezile kuli ikeye. Watambekele ngwendi, “Ove muna Ndaviti, mwane njizivileko mema ku mbunge! Munange wa munakazi ali na munzinzime wakujwala, co alinakuyanda manene.”

Mateo 3:16

Omwo Yesu vamumbwitikile, vwasi-vwasi omo watumukile mu mema, co mwilu mwashokolokele, co wamwene Munzinzime wa Njambi watongamene ali ikeye ngwe katela.

Mateo 9:27

Co omo Yesu watundile kuje, tupuputwa vavali vakele kuje vamukavele, vatambekele ngwavo, “Ove muna Ndaviti, tuzivileko mema ku mbunge!”

Luka 1:33

co akashwana vatekulwila va Yakomba ku myaka yoshe, na vumwene vwendi kuvukahu!”

Yowano 7:42

Visoneka vyendeka ngwavyo Wakuvwavesa akapwa mutekulwila wa Ndaviti, co akasemukila mu Mbetelehema, mu nganda mwakele Ndaviti.”

Vilinga vya Miluwa 2:30

Wapwile muka-kwimanena, co wazivukile vije vyamukulaesele Njambi, Njambi nalisingi ngwendi akapwisa umo wa vatekulwila va Ndaviti mwene, ngwe mwapwile Ndaviti.

Loma 1:3

Vinapu vya Munendi, Mwene yetu Yesu Kilistu, ngwe ku cisemwa cendi ca vunu, wasemukile ku naanga ya Ndaviti,

Loma 4:13

Omo Njambi wakulaesele Avilahama na vatekulwila vendi ngeci vakashwana kaye, walingile eci, kesi ngwe omo Avilahama wononokele Lishiko embwe, oloni omo wakulaelele, co Njambi wamulaveleleco kupwa muka-vushunga.

Loma 9:5

vanapu vatekulwila va vakukulwila va vaHevelu va lutsimo, na Kilistu, akupwa munu, nakundama ku cisemwa cavo. Njambi uje muka-kushwana vyuma voshe, vamushangazale myaka yoshe! Ewa.

Ngalatiya 3:16

Ololo, Njambi nalingi cikulaeso cendi kuli Avilahama na ku naanga yendi. Visoneka kuvyendekele ngwavyo “Vinaanga,” kulumbununa vanu vavangi, oloni ngwavyo “naanga,” kulumbununa munu umolika, ikeye Kilistu.

1 Timateo 2:5

Omwo kwali Njambi umolika, co kwali uje alinakunena Njambi na vanu amolika, munu ikeye Kilistu Yesu,

2 Timateo 2:8

Anuka vya Yesu Kilistu, uje ivasangwile ku vatsi, uje wapwile mutekulwila wa Ndaviti, ngwe muvanalongesa mu Vin̄anda Vyavivwa vije njilinakwambulula.

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”