Malakiya 4:2 - Livulu lya Shukulu Kalunga

² Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Malakiya 4:2 Iomraidhean Croise

2 Samwele 23:4

napu ngwe ceke ca mutondo omo litangwa lituuka mutondo omo kukwesi mashelwa, ngwe litangwa livyakumisa mwila omo nyonzi inavatuka.”

Myaso 103:3

Ikeye muka-kunjisambesa ku vivi vyange vyoshe, nakukangwisa mishongo yange yoshe.

Myaso 147:3

Akangwisa vaka-kuzeya mu vimbunge, nakusaka vimbandu vyavo.

Myaso 61:5

Yove Njambi wazivile vikulaeso vyange, co unanjivezikisa ngeci muje ukavezikisa vaje vakulemesa.

Myaso 67:1

Tuzivileko mema ku mbunge nakutuvezikisa yove Njambi, co tumwese ngozi yove,

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 85:9

Mwa vushunga kwamena kwendi kuli muyehi na vaje vamukomoka, ngeci vumpau vwendi vukale mu lifuti lyetu.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 35:6

Vilema vakajombozoka nakukina, na vaje voshe kuvasele kwendeka, vakatambeka nakujolela. Vana va vindonga vakaita mukati ka mambo,

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 53:5

Oloni vamutwile vimbandu omwo vuvi vwetu, vamupupile omwo kuvulumuna kwetu. Yetu tunakanguka omwo ikeye wambatele cihiso cetu, yetu vanatupwisa tuvamutunu, omwo ya vimbandu vije vamutwile.

Isaya 9:2

Vanu vaje vendele mu lisusulungu vanamono ceke cakuvyazima manene. Vanu vaje vakele mu lifuti lya munzinze wa kutsa, ololo ceke cinavatwila.

Njelemiya 17:14

Shukulu Kalunga njikangwise, co njikapwa mukangule, njamene, co njikovoka, omwo njikakushangazala!

Njelemiya 30:17

Mukapwa vakangule, njikakangwisa vimbandu vyeni, nameme vitozi veni vendeka ngwavo, ‘Siyone vanayumbila, naumo wai aishaka.’ Yange Kalunga, njinendekamo.”

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Ezekiyele 47:12

Ku ngenge na ngenge ya ndonga, ku mutambela na mutambela wa ndonga kukamena miti ya miyati-yati ije ikaima vushuka. Maputa ayo kuwakajujwama, co lalo kuyikalikele kwima vushuka. Ikaima vushuka vwavuha a ngonde na ngonde, omwo ilinakutambula mema ku ndonga ije itunda ku Njuvo ya Shukulu Kalunga. Miti yakwo ikaima vushuka vuje vukapwa vyakulya, co maputa ayo vakawapangesa mukukangwisa vanu.”

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Malakiya 3:16

Asinoni vanu vaje vakomokele Shukulu Kalunga valyendekesele umo na mukwavo, co Shukulu Kalunga wavatolililile nakuziva vije vivendekele. Co vasonekele vaje vakomokele Shukulu Kalunga nakumusingimika mu livulu lya canukiso ku mesho endi.

Mateo 11:5

tupuputwa vatona, vilema venda, vaka-mbumba vajela, tusinda-matwi vaziva, vatsi vasanguka, tuutu vavambulwila Vin̄anda Vyavivwa.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.

Luka 1:78

Njambi yetu wakala na mema ku mbunge. Akatuwisa ceke cakutwamena a mungulungengu ngeci citwe ali yetu,

Luka 2:32

ceke cakujombolola cizango cove kuli ava kesi vaYunda, nakunena vumpau kuli vanu vove va Isalele.”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:4

Lijwi likelyo lyapwile nsina ya mwonyo, co mwonyo ou ukewo wanenele ceke kuli vanu.

Yowano 1:8

Ikeye kapwile ceke embwe, oloni wezile nakwambulula a vyuma vya ceke.

Yowano 12:40

“Njambi nazivalesa mesho avo, co nakaluwisa vimbunge vyavo, ngeci mesho avo kesi amone, Co kesi vazivisise, kutewa vatengulukila kuli yange, co yange njikavakangwisa.”

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Yowano 9:4

Tunapande kupanga vipangi vya uje wanjitumine omo kucili mutanya, vutsiki vulinakwija omo naumo wai asa kupanga.

Vilinga vya Miluwa 13:26

“Vavushoko vwange vaIsalele, vatekulwila va Avilahama, co neni voshe kesi vaYunda mulikuno vaka-kulemesa Njambi, muzimbu ou wakwovoka vanautumu kuli yetu!

Vilinga vya Miluwa 13:47

Omwo eli likelyo lishiko lyanatwana Mwene ngwendi, ‘Njinamipwisa ceke kuli vaje kesi vaYunda, ngeci vaka-kaye voshe vovoke.’ ”

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

2 Petulu 1:19

Ngecivene, twasimpile na muzimbu uje watundile mwilu uje uvambulwile vaka-kwimanena. Nga mutolilila ku muzimbu ou, co mulinga mwamuvwa, omwo unapu ngwe ndeya ilinakutwila ceke mu lisusulungu noo Litangwa linaki na ceke ca litota lya mutondo linatwila ceke mu vimbunge vyeni.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

1 Yowano 2:8

Nameme ngoco, lishiko linjilinakumisonekela linapu lyaliha, omwo vushunga vwalyo vanavumono muli Kilistu na muli yeni lalo. Omwo lisusulungu lilinakwita, co ceke ca vushunga cinashangumuka laja kutwa.

Kujombolola 11:18

Vaka-kujeneka kukulaela vashulile na vukalu, omwo simbu ya vukalu vwove inete, simbu yakusompa vatsi. Simbu inete yakwana cikandelela kuli vangamba vove vaka-kwimanena, na kuli vanu vove voshe, voshe vaje vakukomoka, vakama na ava vavandondo. Simbu inete yakunyongesa vaje vanyongesa kaye!”

Kujombolola 2:28

Co lalo njikavana litota lya mutondo.

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”

Kujombolola 22:2

co yetile mukati ka tapalo ya mu nganda. Ku ngenge na ngenge ya ndonga kwakele muti wa mwonyo, uje wakele nakwima vushuka visimbu likumi na vivali a mwaka, lumo a ngonde na ngonde, co maputa awo apwile vumbanda vwakukangwisa miyati ya vanu.

Lute 2:12

Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”