Malakiya 4:1 - Livulu lya Shukulu Kalunga

¹ Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Malakiya 4:1 Iomraidhean Croise

Yombi 18:16

Co mizi yendi yuma, na minango ijujwama.

Myaso 119:119

Ukombila kuti vaka-vuvi voshe ngwe vyuma vya mazilo, oloni yange njazema mashiko ove.

Myaso 37:9

Vaje vakulaela kuli Shukulu Kalunga, vakashwana mu lifuti, oloni vaka-vuvi vakavashekela anja.

Kutuuka 15:7

Mu vukama vwa nzili yove unombila vaka-n̄ole vove, vukalu vwove vushukuma, co vulinakuvenyeka ngwe vishati.

Isaya 40:24

Vanapu ngwe vimena vya njovolwezi, vije vilinakukola, oloni omo Shukulu Kalunga ahwiminao, co vyuma cau nakupekumuka ngwe vishwashwa.

Isaya 41:2

“Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Isaya 47:14

“Vanu vaje vakulaela mu vingongonosi vanapu vangoco ngwe mwila, uje wenya mu milangi ya tuhya. Aje naumo wai asa kwikao vilya.

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Isaya 9:18

Vuvi vwa vanu vushukuma ngwe tuhya twenyeka mambimbo na mishwena. Vushukuma ngwe likuna lya mu shwata lije lilinakwezoka milangi ya tuhya.

Isaya 9:19

Omwo Shukulu Kalunga Muka-nzili yoshe naluvala, cihiso cendi cilinakushukuma ngwe tuhya mu lifuti mwoshe nakunyongesa vanu, co naumo wai akamena ndolome yendi.

Ezekiyele 20:38

Co njikatundisa vaje vaka-kutengulukila na vaka-vuvi akati keni. Njikavatundisa mu lifuti muje muvali nakukala ololo, oloni kunjikavatava lalo kwiluka ku lifuti lya vaIsalele embwe. Co mukazivuka ngeci yange njapwa Kalunga.”

Ezekiyele 21:32

Yeni mukanyonga ku tuhya. Co maninga eni aketikila mu lifuti, naumo wai akamyanuka lalo.” Munjinendeka yange Kalunga.

Ezekiyele 24:11

Asinoni tumbikeni ndeo ya vunengu yamupulungwa a manungu a tuhya, ngeci yenye. Asinoni ndeo ikajela omo n̄alawe inenye,

Ezekiyele 34:17

“Ngecivene, ololo, vutanga vwange, yange Kalunga wa Akamwa ya Vyoshe njimileka ngwange, njikasompa vimanga na vimanga, co njikaangununa vavavwa ku vavavi, co njikaangununa vimanga ku vimembe.

Ezekiyele 7:10

Litangwa lya tuyando twakama lilinakwija ali Isalele. Mbweti yakukupupisa ilinakujovelela. Kulyalesa kunaama manene.

Njwele 2:1

Imbeni lupembo, co imbeni mwondo a Siyone, lilundu lya Njambi lyakujela. Jajeni, yeni vanu va mu Yunda! Litangwa lya Shukulu Kalunga lili muyehi.

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Amose 2:9

“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke.

Ovandiya 1:18

Vanu va Yakomba na vanu va Yosefa, vakapwa ngwe tuhya, vakanyongesa vanu va Isau, ngwe tuhya twenyeka vishati. Naumo wai mutekulwila wa Isau akayoya. Yange Kalunga, njinendekamo.

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Zefaniya 1:14

Litangwa lije omo Shukulu Kalunga akasompa vanu lili muyehi-yehi, lilinakwija vwasi-vwasi! Litangwa lije likapwa lya vusiwa manene, nameme mashwalale vakusimpa vakalila nakutendeka cinyangavili cakutambula vukwasi!

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Zakaliya 14:1

Kengeni, litangwa lya Shukulu Kalunga lyakusompa lili muyehi. Co Yelusalema vakaipukula, co vije vyakupukula vakavipangela akati keni.

Malakiya 3:15

Oloni ololo tumona vaka-kulyalesa ngwe vanavezika. Mwa vushunga, vaje vaka-kulinga vyavivi vakala mwamuvwa, nameme vakevo veseka Njambi oloni vovoka.’ ”

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Malakiya 3:2

Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga.

Malakiya 3:3

Akaija nakusompa ngwe n̄ulungu muka-kufula vikuvo nakujelesa siliva. Akajelesa vaLevi ngwe muka-kufula vikuvo mwakajelesa siliva na ngolinde, ngeci vakanene vin̄ombelo vya vushunga kuli Shukulu Kalunga.

Malakiya 4:5

“Kengeni, njikamitumina Elinja muka-kwimanena simbu kanda litangwa lyakama lya Shukulu Kalunga lya vukalu lyete.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Luka 19:43

Simbu ikaija omo vitozi vove vakakuzengeleka mu cimpaka, nakukwaka mukati kavo, nakukushetwila mukati ku mitambela yoshe noku-noku.

Luka 21:20

“Omo mukamona Yelusalema vanaizengeleka ku mbunga ya mashwalale, zivukeni ngweni kunyonga kwayo kuli muyehi.

Luka 6:23

Joleleni omo eci cilingiwa, co kineni nakujolela, omwo vanamitulikila cikandelela ceni cakama mwilu. Omwo vakukulwila vavo valingile ngacije kuli vaka-kwimanena.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.