Malakiya 3:7 - Livulu lya Shukulu Kalunga

⁷ Kutunda ku simbu ya vakukulwila veni nakweta ku lelo lino munalimbulula mashiko ange, co kumwavilingile. Ilukeni kuli yange, co yange njikamitambula, co mwihula ngweni, ‘Vatijo twasa kwiluka kuli yove?’

Malakiya 3:7 Iomraidhean Croise

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Isaya 65:2

Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Njelemiya 16:11

Asinoni ukavaleka ngwove Shukulu Kalunga nendeka ngwendi, ‘Omwo vakukulwila veni vanjikengesele nima, valemesele nakupangela vinjambi veka. Vanjisezele kuvononokele vilongesa vyange.

Njelemiya 16:12

Oloni yeni mwalingi mwamuvi manene kutuvakana vakukulwila veni. Muvavoshe munapu vaka-kukaluwisa vimbunge vyeni na vuvi, co kumwesi kunjononoka.

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 7:25

Kutunda a litangwa lije vakukulwila veni vatundile mu Ingito noo ku litangwa lya lelo, njinakala nakumitumina vangamba vange vaka-kwimanena.

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Ezekiyele 2:3

“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

Ezekiyele 20:28

Njavanenele ku lifuti lije linjavakulaesele kuvana. Omo vakevo vamwene malundu amalaja na miti yakutonola, co vakombeleleleko vin̄ombelo. Co vanjiluvalesele a vin̄ombelo vije venyekele na a vinyu vije vivanenele kupwa milambu.

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Zakaliya 1:3

oloni njendeka kuli yeni ngwange, ‘Ilukeni kuli yange, co nange lalo njikeluka kuli yeni.

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Malakiya 3:13

Shukulu Kalunga nendeka ngwendi, “Munanjendeka majwi amakalu, oloni yeni munjihula ngweni, ‘Majwi amakalu akajo tunendeka ali yove?’

Mateo 23:27

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni munapu ngwe vimbumbo vyakusalimba akamwa lika, oloni mukati munashulu vitsiya vya vatsi na vyakuvola vyeka na vyeka.

Luka 15:16

Co washakele kulya nakukutisa lifu lyendi na vin̄wekwe vije vakele nakulya vingulu, oloni naumo wai wamwaneneko cuma cimo cakulya.

Loma 10:21

Oloni alinakwendeka ali Isalele ngwendi, “Simbu yoshe njashakele kutambula vanu vaka-kujeneka kwononoka vakevo lalo vaka-kutengulukila.”

Loma 10:3

Omwo kuvazivukile ngila ije yakapwisa Njambi vanu ngeci vapwe vaka-vushunga ku mesho endi, oloni vakevo vaneseka kupangesa ngila yavo vavenya, ngecivene, kuvasele kulyana vakevo vavenya ku ngila ya Njambi ije yakapwisa vanu ngeci vapwe vaka-vushunga.

Loma 7:9

Nange a simbu imo njayoyele kujeneka lishiko, oloni omo kushika kwezile, vuvi vwakele na nzili,

Kwituluka mu Mashiko 31:20

Njikavatwala mu lifuti lije lyalivwa lya vwilo nevi vyakujenekamo vyai muje njalisingile na vakukulwila vavo. Muje vakakala na vyakulya vyoshe vivakashaka, co vakakala mwamuvwa. Oloni vakanjikengesa nima nakulemesa vinjambi veka. Co vakanjivyana nakupokola cikumiiyo cange.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!