Malakiya 3:6 - Livulu lya Shukulu Kalunga

⁶ “Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele.

Malakiya 3:6 Iomraidhean Croise

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 15:7

Shukulu Kalunga wendekele kuli Avilama ngwendi, “Yange Kalunga, uje wakutundisile ku Ule ya mu Mbambilone nakukwana lifuti eli kupwa vushwana vwove.”

Kushangumuka 22:16

“Njilisinga a lizina lyange. Yange Kalunga njinendeka ngwange, njikatumisa manene vivezikiso vyove omwo yove unalingi cuma eci, omwo unatavele kunjana munove umolika.

Myaso 102:26

Vyoshe evi vikahwa, oloni yove kuuli, vikevyo lalo vikakula ngwe vuzalo. Yove ukavitengulula ngwe muukatengulula vuzalo, co vyoshe vikanyonga.

Myaso 102:27

Oloni yove simbu yoshe wafwa mumo, co myaka yove kuyikahu embwe.

Myaso 102:28

Vana vetu vakakala mwamuvwa, co akunyunga kwove vatekulwila vavo vakakala mu kwoloka.

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 78:38

Oloni Njambi wapwile muka-mema ku mbunge ku vanu vendi, wavasambesele kukuvulumuna kwavo, co kavanyongesele embwe. Visimbu vyoshe watutumwisile ku vukalu vwendi, co kavumwesele embwe.

Myaso 78:57

Oloni vapwile vaka-kujeneka kulongwa nakujeneka kukulaela ngwe vakukulwila vavo, kuvapwile va vushunga, vapwile ngwe mukili wa kupenga-penga.

Isaya 41:13

Yange Kalunga Njambi yeni, njikamikolesa nakumileka ngwange, ‘Kesi muzive lyova, njikamikwasa.’ ”

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 46:4

Yange nji Njambi yeni, co njikamilela, noo munakolo, na vwele ku mitwe yeni. Yange njamitangele, co njikamilela, njikamikwasa nakumyamena.

Njelemiya 32:27

“Yange Kalunga, Njambi wa vanu voshe. Kukwesi cuma cimo cacikalu kuli yange cai.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Loma 5:10

Omwo twapwile tu vitozi va Njambi, oloni natupwisa vasamba vendi a kutsa kwa Munendi. Ololo omo tunapu vasamba va Njambi, tukovoka a mwonyo wa Kilistu!

Filipu 1:6

Ngecivene, njazivuka ngwange Njambi, uje washangumukile cipangi eci cacivwa muli yeni, akatwalao noo nacimanesa a Litangwa lya Yesu Kilistu.

VaHevelu 13:8

Yesu Kilistu ikeye umolika na izau na lelo na ku myaka yoshe.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 22:13

Yange wakulivanga na muka-kukotokela, vushangumukilo na mamaneselelo.”

1 Samwele 15:29

Njambi ya Isalele Muka-nzili yoshe kesi kwendeka makuli nambe kesi kutengulula viyongola vyendi embwe. Omwo ikeye kesi munu, ngeci atenguluke embwe.”