Malakiya 3:5 - Livulu lya Shukulu Kalunga

⁵ Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Malakiya 3:5 Iomraidhean Croise

Kushangumuka 20:11

Avilahama wamukumbulwile ngwendi, “Njalingile eci omwo njayongwele ngwange kumwesi kukomoka Njambi, co njayongwele lalo ngwange amo umo weni akanjitsiya nakwambata munakazi wange.

Kushangumuka 42:18

Co a litangwa lyamucitatu Yosefa wendekele kuli vandolome vendi ngwendi, “Yange nji munu wakuzivila Njambi lyova, njikamena myonyo yeni a cuma cimo.

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Yombi 31:12

Cikapwa ngwe kunyongesa kwa tuhya, kwenyeka vyuma vyoshe vije njilinavyo.

Yombi 7:2

ngwe ndungo ashungwiya manene munzinze, ngwe muka-vipangi avandamena fweto yendi.

Myaso 36:1

Vuvi vukalingisa vaka-vuvi ngeci vakavangeye viyongola vyavivi vili mu vimbunge vyavo, vakavyana Njambi, co kuvesi kumukomoka.

Myaso 81:8

Yeni vanu vange tolilileni kukunangula kwange yeni vanu va Isalele, njishaka manene ngeci mutolilile kuli yange!

Myaso 96:13

ku mesho a Shukulu Kalunga, omwo aija nakusompa vanu voshe vali ano asi. Akasompa kaye na vanu mu vushunga.

Myaso 98:9

omwo akaija nakusompa vanu voshe vali ano asi. Shukulu Kalunga akashwana vanu voshe vali ano asi mu vushunga.

Kutuuka 1:17

Oloni vaje vifungwizi vakomokele Njambi, kuvalingile ngwe muje mwashikile mwene, vecelele na vimbututu va vanalume vayoye.

Kutuuka 18:21

Oloni unapande kwangula vanalume vamo vakunyanyama uvemike vapwe vantwama va vanu, vantwama va makulukazi, na ava va viita, na ava va makumi atanu, na ava va likumi. Vakevo vanapande kupwa vanalume vakukomoka Njambi, va vushunga, vaka-kuzinda lizika-kanwa.

Kutuuka 20:7

“Kesi mukapangese lizina lyange mwamuvi, omwo yange Kalunga Njambi yeni, njikahisa voshe vaje vakapangesa lizina lyange mwamuvi.

Kutuuka 22:20

“Munu woshe uje akombelela ku vinjambi veka vanapande kumutsiya, oloni vakombelele lika kuli yange Kalunga.

Visimo 16:6

Pwa wa kulongwa nakushungama, co Njambi akakusambesa ku vuvi vwove, ononoka Shukulu Kalunga, co cuma nacimo cai cacivi cikalingiwa kuli yove.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Isaya 57:3

Ijeni kuno vakumisompe, yeni vaka-vuvi! Yeni munapu mumolika na vimbanda, na vaka-vupangala, na vikwizi.

Njelemiya 23:10

Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 27:10

Valinakumikwisa, nakumilingisa ngeci vamitundise ku lifuti lyeni. Njikamishekela kulyala, co mukanyonga.

Njelemiya 27:9

Kesi mutolilile kuli vaka-kwimanena veni, nambe kuli munu umo uje endeka ngwendi asa kulumbununa vyuma vya kulutwe, nambe a vinjozi, nambe akusana minzinzime ya vatsi, nambe a manseno a vulozi. Voshe vamileka ngwavo kesi mulikeese kuli mwene wa Mbambilone.

Njelemiya 29:23

Eci cikapwa luvinda lwavo omwo vali na mulonga wakama wa vuvi, omwo vanalingi vupangala, co vanendeka makuli mu lizina lya Shukulu Kalunga. Eci kucapwile cizango ca Shukulu Kalunga, ikeye azivuka vije vivanalingi, co napu mukaleo ali vakevo. Shukulu Kalunga nendekamo.”

Njelemiya 42:5

Asinoni vendekele kuli yange ngwavo, “Shukulu Kalunga apwe wa vushunga na mukaleo wa kulongwa, mukutulwisa nga kutwononoka mashiko oshe aje Shukulu Kalunga Njambi yetu akakwana omwo yetu.

Njelemiya 5:2

Nameme mulemesa Shukulu Kalunga, oloni kumwesi kulinga vije mwendeka.

Njelemiya 5:29

“ ‘Oloni yange Kalunga, njikaminyanyamesa a vyuma evi, njikalinga shambandinga a muyati ou.

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

VaLevi 20:10

“Nga munalume alinga vupangala na munakazi wa mukwavo kaIsalele, muvuvali vwavo vavatsiye.

VaLevi 20:27

“Munalume woshe-iwoshe nambe munakazi uje akendeka na minzinzime ya vatsi nambe kutaa vakamutsiye na mamanya. Omwo kutsa kwendi kwakulishakela ikeye vavenya.”

VaLevi 20:6

“Nga munu umo aya mukwihula kuli vanu vaje vakendeka na minzinzime ya vatsi, njikamukengesa nima, co kunjikamulava lalo kupwa munu wange.

Mika 1:2

Tolilileni yeni miyati yoshe ya vanu, zivisiseni yeni voshe mwakala ano asi! Shukulu Kalunga wa Akamwa ya Vyoshe akambulula vukaleo ali yeni. Tolilileni! Alinakwendeka kutundilila mu Njuvo yendi ya mwilu.

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Zakaliya 11:12

Njendekele kuli vakevo ngwange, “Nga mushaka, njaneni fweto yange. Oloni nga sheni, likeleni ngano.” Ngecivene, vanjifwetele mavundungulu a siliva makumi atatu.

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Malakiya 2:14

Mwihula ngweni, “Omwo vikajo?” Omwo Shukulu Kalunga ikeye napu ntwama akati kove na munakazi wa vukwenje vwove. Omwo unapokola cikulaeso cove nendi, nameme ikeye wapwa musamba wove, munakazi wa cikumiiyo ca a vulo vwove ku mesho a Njambi.

Malakiya 2:17

Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”

Luka 23:40

Ngecivene, uje mukwavo lipwepwe wamukandele ngwendi, “Kuma yove kuwesi kukomoka Njambi ndi? Yove watambula cihiso ngwe ikeye.

Loma 3:8

Co vikajo kumwendeka ngweni, “Tulingeni vuvi ngeci vuvwa vusholoke?” Mwa vushunga, vanu vamo valinakunjishaula nakunjivangela ngwavo njinendeka cuma eci! Vakavahisa ngwe mucinapande.

Kwituluka mu Mashiko 15:13

Omo mukamwecela kesi mukamwecele akaye mavoko-voko embwe.

Kwituluka mu Mashiko 18:10

Kesi mukakombelele vana veni va vanalume, nambe va vanakazi kupwa n̄ombelo embwe. Co vanu veni kesi vakapwe vaka-kutaa, nambe vakakulaele viyovo, nambe vakapwe valozi,

Kwituluka mu Mashiko 24:17

“Kesi mukaengese n̄anda ya vaka-kwija nambe ya visiwa, nambe kwambata cikoveyo ca fwile kupwa cishimbikiya embwe.

Kwituluka mu Mashiko 27:19

“ ‘Cisingo ca Njambi cikale ali munu woshe uje ahengesa vin̄anda vya vaka-kwija, na visiwa, na vifwile.’ “Co vanu voshe vakakumbulula ngwavo, ‘Ewa!’

Kwituluka mu Mashiko 5:11

“ ‘Kesi mukapangese lizina lyange mwamuvi, omwo yange Kalunga Njambi yeni njikahisa voshe vaje vakapangesa lizina lyange mwamuvi.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Yakomba 5:12

Oloni a vyoshe evi, vasamba vange, kesi mulisinge omo mulinga cikumiiyo. Kesi mulisinge na lilu nameme na asi nameme na cuma coshe-icoshe. Oloni, “Eyo yeni ipwe eyo omwo munatava,” nambe “Embwe embwe yeni ipwe embwe omo munavyana,” nga ngoco, co vaka-nyanyamesa kuli Njambi.

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.