Malakiya 3:2 - Livulu lya Shukulu Kalunga

² Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga.

Malakiya 3:2 Iomraidhean Croise

Kushangumuka 19:28

Co wakengele ku Sondoma na Ngomola na mu cana mwoshe, wamwene vwisi vulinakukakama asi, vwisi vwakulifwa ngwe vwakutunda mu litende lyakama lya tuhya.

Yombi 28:1

Kuli vitapo vivakendi siliva. Co kuli mitambela kuje kuvakajelesela ngolinde.

Myaso 130:3

Nga yove Shukulu Kalunga ukalava milonga yetu, co iyajo akovoka?

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Myaso 76:7

Oloni yove Shukulu Kalunga voshe valinakukukomoka! Iyajo asa kwimana ku mesho ove omo unaluvala?

Visimo 25:4

Siliva vanapande kuyijelesa, simbu kanda muka-kufula afule cuma cacivwa.

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Njelemiya 2:22

Nameme wajwelesele njapau ya nzili manene, oloni anga njicimona mapwata-mapwata a milonga yove.

Ezekiyele 22:14

Anga ukapwa uwakunyanyama ndi? Anga ukakala na nzili omo njikalinga evi nove ndi? Munjinendeka yange Kalunga, co njikacilinga.

Ndanyele 11:35

Vantwama vamo va mana vakavatsiya, oloni vutumbe ovu vunapu vwakujelesa vanu. Eci cikalingiwa noo akukotoka, simbu ije yanemika Njambi.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 25:10

Co omo vambanda vakweva vaile nakulanda mazi, co vavenya vulo wetele, na vaje vambanda vatanu valivwaeselele cimweja vakovelele amo nendi ku ciwano ca vushombolwa, co vashokele lipito.

Mako 9:3

Asinoni vuzalo vwendi vwatokele too ngwe ceke, naumo munu wa ano a kaye asa kuvukusha nakuvutokesa ngacije wai.

Luka 2:34

Co Simyoni wavavezikisile wendekele kuli Maliya ngwendi, “Mwanike ou vamwangwile kuli Njambi mukunyongesa nakwamena vavangi mu Isalele. Akapwa cizivukiso cakutunda kuli Njambi cije vanu vavangi vakendeka nakucilwisa,

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Luka 3:17

Shewa ili mu livoko lyendi, ikeye akapepa nakujelesa mwamuvwa vinona vyoshe kulijungwilo lyendi, co tiliku akaitulika mu cishete cendi, oloni lijungu lyoshe akalyenyeka na tuhya kutwesi kuzima!”

Luka 3:9

Njaviti vanayaka laja ku mizi ya muti, muti woshe kuwimi vushuka vwavuvwa vakaushinja nakuumbila mu tuhya.”

Luka 7:23

Vanavezika vaje kuvesi na vimata ali yange!”

Yowano 8:55

Oloni yeni kumwamuzivukile, yange njimuzivuka. Nga njendeka ngwange kunjimuzivuka, co njipwa nji muka-makuli ngwe yeni. Oloni yange njimuzivuka, co njinonoka lijwi lyendi.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

Kujombolola 19:8

Vanamwana vuzalo vwa linyu vwakuvyazima ngeci azale.” (Nanga ya linyu yapwa vilinga vyavivwa vya vanu va Njambi.)

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

Kujombolola 6:17

Omwo litangwa lyakama lya vukalu vwavo linete, co iyajo asa kwimana?”

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.

1 Samwele 6:20

Ngecivene, vanu va ku Mbete Shemeshe vendekele ngwavo, “Iyajo asa kwimana ku mesho a Shukulu Kalunga, Njambi wakujela? Tukamutuma kulijo ngeci atunde kuli yetu?”