Malakiya 3:11 - Livulu lya Shukulu Kalunga

¹¹ Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi.

Malakiya 3:11 Iomraidhean Croise

Njelemiya 8:13

“Njashakele kukungulula vanu vange, ngwe munu akungulula vimbuto vyendi, oloni vanafu ngwe mukolovozi wa vushuka vwa vinyu wa vushuka, nambe ngwe muti wa mukuyu wakujeneka mikuyu, na maputa awo anajujwama. Ngecivene, njinatavesa vanu veka kutambula lifuti.”

Hoziya 2:21

A simbu ije vene njikakumbulula malombelo a vanu vange va Isalele.

Njwele 1:12

Mikolovozi ya vushuka vwa vinyu na miti ya mikuyu yajujwama, miti yoshe ya vushuka yajujwama, co inatsi. Kujolela kunahu muli vanu.

Njwele 1:4

Vinjame na vinjame vya vimbimba vyalile vimbuto, co vimbuto vije viyasezele njame imo, njame ikwavo yavinyongesele.

Njwele 1:7

Vananyongesa mikolovozi yetu ya vushuka vwa vinyu, nakulenda miti yetu ya mikuyu yoshe njwa. Yoshe vanaikovonona vyula, nakuseza minango mwangoco too.

Njwele 2:20

Yange njikatundisa vinjame vya vimbimba vaje vatundile ku kunto, njikashekela vamo mu mambo. Co njame yavo ya kulutwe njikaishekela ku Lishali lya Kutsa, co njame yavo ya munima njikaishekela ku Lishali lya Menditelenyani. Mivila yavo ya kutsa ikanika, njikavanyongesa omwo vyoshe vije vivalingile kuli yeni.

Njwele 2:22

Eni tusitu, kesi muzive lyova. Mwila ulinakujovelela, miti ilinakwima vushuka vwayo, co mikuyu yaingi manene na mikolovozi ya vushuka vwa vinyu inapu yaingi.

Njwele 2:25

Njikamiilwisila vije mwazimbalesele mu myaka ije omwo vinjame vya vimbimba mikumbi vyalile vimbuto vyeni. Yange uje njatumine vinjame vya vimbimba mikumbi ali yeni.

Amose 4:9

“Njatumine lihunzi lya ntwima nakumisa vimbuto vyeni cau. Co vimbimba mikumbi valile myaaka yeni yoshe njwa, na vitungu vyeni vya mikolovozi ya vushuka vwa vinyu na miti yeni ya mikuyu na miti ya olive. Oloni nameme ngoco kumwelukile kuli yange.

Hambakuke 3:17

Nameme miti ya mikuyu kuyemine vushuka, co kukwesi vushuka vwima a mikolovozi ya vushuka vwa vinyu, nameme vimbuto vya olive vyai, na vimbuto kuvikemi mu mahya, nameme vimanga voshe vakatsa, co mu macakana a vingombe mwoshe mwangoco,

Hangai 1:11

Njinanene lilanga mu lifuti na a malundu, na mu mahya a vimbuto, na mu vitungu vya mikolovozi ya vushuka vwa vinyu, na mu mahya a miti ya olive, na a vimbuto vyoshe vije vikamene asi, na a vanu na a tusitu, na a vyuma vyoshe vimukuna.”

Hangai 2:17

Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Zakaliya 8:12

Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Kwituluka mu Mashiko 11:14

Nga mulingamo, co akanyokesa nyonzi mu lifuti lyeni a simbu yayo, nyonzi ya musanda na ya likuvula-shoke, ngeci mukateje vimbuto vyeni, co mukakala na vinyu vyaviha, na mazi a olive.