Malakiya 3:1 - Livulu lya Shukulu Kalunga

¹ Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Malakiya 3:1 Iomraidhean Croise

Myaso 110:1

Shukulu Kalunga wendekele kuli shukulu yange ngwendi, “Tumbama ku livoko lyange lya cilyo, noo njifungulula vitozi vove.”

Kutuuka 23:20

“Njikatuma kangelo kulutwe lweni akaminyunga omo mulinakwenda, co akamitwala ku mwela uje njamivwaeselelewo.

Kutuuka 23:21

Ngecivene, mutolilileni nakumwononoka. Co kesi mumutengulukile, omwo yange njinamutumu, oloni nga mumutengulukila, co kakasambesa milonga yangacije, omwo lizina lyange lili muli ikeye.

Isaya 40:10

Kengeni Shukulu Kalunga wa Akamwa ya Vyoshe aija nakushwana na nzili, alinakwija na cikandelela ca vanu vendi.

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Hangai 1:13

Asinoni Hangai walekele vanu majwi a Shukulu Kalunga ngwendi, “Njikakala amo neni, eci cikeco cikulaeso cange.”

Malakiya 2:4

Asinoni mukazivuka ngeci njinamyana lishiko eli, ngeci cikumiiyo cange na vaka-kukombelela vatekulwila va Levi, kesi cikapokoke.

Malakiya 2:7

Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Malakiya 4:5

“Kengeni, njikamitumina Elinja muka-kwimanena simbu kanda litangwa lyakama lya Shukulu Kalunga lya vukalu lyete.

Mateo 11:14

Co nga muli na cizango cakukulaela muzimbu wavo, Yowano ikeye vene Elinja uje ivatumbwile ngwavo akaija.

Luka 1:76

“Co yove munange, vakakutumbula muka-kwimanena wa Njambi wa Akamwa ya Vyoshe. Co ukatwama kulutwe lwa Mwene mukuvwaesa ngila yendi,

Luka 19:47

Yesu wakele nakulongesa mu Njuvo ya Shukulu Kalunga a litangwa na litangwa. Co vakulunu va vaka-kukombelela na valongisi va majwi a Lishiko na vantwama va vanu vashakele kumutsiya,

Luka 2:11

Vutsiki vuno vene mu nganda ya Ndaviti munasemuka Muyoyesi weni, ikeye Kilistu Mwene!

Luka 2:38

A simbu ije vene wetele, co wakandelelele kuli Njambi, wendekele vya uje mwana kuli voshe vaje vavandamenene Njambi mukupatula Yelusalema.

Luka 2:46

Co a litangwa lyamucitatu vamuwanene mu Njuvo ya Shukulu Kalunga, natumbama akati ka valongisi va vaYunda, nakuvatolilila nakuvehozola vihula.

Vilinga vya Miluwa 19:4

Co Paulu wendekele ngwendi, “Kumbwitika kwa Yowano kwapwile kwa vaje vatengulukile ku vivi vyavo, co walekele vanu va Isalele ngeci vakulaele kuli umo uje akaija munima yendi, ikeye Yesu.”

Vilinga vya Miluwa 7:38

Ikeye wakele amo na vanu va Isalele omo vakungulukilile mu mambo, wakele amo na vakukulwila vetu na kangelo uje wendekele kuli ikeye a Munkinda wa Sinai, co watambwile vin̄anda vyakuyoya vya Njambi nakutwanavyo.