Malakiya 2:9 - Livulu lya Shukulu Kalunga

⁹ Ngecivene, nange lalo njikamishawisa kuli vanu va mu Isalele omwo kumwononokele cizango cange, omo mulongesa vanu vange, kumwesi kuvapwisa mumo embwe.”

Malakiya 2:9 Iomraidhean Croise

1 Vimyene 22:28

Co Mikaya watambekeleleko ngwendi, “Nga yove wiluka mwamuvwa, co Shukulu Kalunga kendekele muli yange embwe!” Co lalo wendekele ngwendi, “Tolilileni kesi mwivale evi njinendeka!”

Yombi 32:21

Yange kunjikakenge ku muvila wa munu, nambe kushangala munu embwe.

Visimo 10:7

Vanu vaka-vushunga simbu yoshe vakavanuka ngwe civezikiso, oloni vaka-vuvi vakavevala.

Visimo 12:8

Munu muka-mana vakamushangazala, oloni cilema vakamukenga na shwamwa.

Ezekiyele 13:21

“Njikatundisa mikalo yeni nakutava vanu vange kupatuka ku mavoko eni a simbu imolika. Asinoni mukazivuke ngeci yange Kalunga.

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Nahumi 3:6

Njikakukwita mazilo, co njikakupwisa muka-vunyengwe. Co vanu vakakukenga na vunyengwe.

Malakiya 2:3

Njikahisa vatekulwila veni nakukwita a vihanga vyeni vufwati vwa vimuna vaje mukakombelela ku viwano vyeni, co mukanyonga navwo.

Malakiya 2:8

“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni.

Luka 10:29

Oloni uje mulongisi wa majwi a Lishiko washakele kulisambesa, wendekele kuli Yesu ngwendi, “Mukwetu iya?”

Luka 11:42

“Tuyando tweni, vaFaliseo! Yeni mukaana kuli Njambi camulikumi a vyuma mukatovesa vyakulya ngwe visapa-sapa amo akunika, na luku, na visapa-sapa vikwavo, oloni muzinda vushunga nakuvyana cizemo ceni kuli Njambi. Evi munapande kuvilinga kujeneka kulikela kulinga vije vikwavo.

Ngalatiya 2:6

Oloni vaje vasholokele ngwe vantwama, njendeka evi omwo kuli yange kuvyalitepesele, Njambi kesi kusompa ku munu cifwa ca anja, vaje vantwama, njendeka ngwange, kuli yange kuvanjanene viyongola vyeka vyaviha vyai.

Kwituluka mu Mashiko 1:17

Akusompa kweni, kesi mukakale na kahangu oloni munapande kusompa munu na munu mu cifwa cimolika, apwe iya nambe iya. Co kesi mukakale na lyova ali munu umo embwe, omwo kusompa kwakundama kuli Njambi. Nga mulonga umo unapu waukalu, co uneneni kuli yange, ngeci njikausompe.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.