Malakiya 2:7 - Livulu lya Shukulu Kalunga

⁷ Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Malakiya 2:7 Iomraidhean Croise

2 Vimyene 16:11

Ngecivene, Uliya watungile mutula umo wakufwa ngwe ukewo vene, co waumanesele simbu kanda Ahaze eluke.

2 Vimyene 16:16

Uliya walingile ngwe muje mwamushikile mwene.

2 Mizimbu 30:22

Co Hezekiya washangazalele vaLevi a mana avo akupangela mwamuvwa Shukulu Kalunga. Omo kuneti matangwa atanu na avali vakombelelele vin̄ombelo nakushangazala Shukulu Kalunga, Njambi ya vakukulwila vavo,

2 Mizimbu 31:4

Co mwene walekele vanu vaje vakele mu Yelusalema vanene vin̄ombelo vije vyakundamene kuli vaka-kukombelela na vaLevi, ngeci vaane ku vije vishakiwa ngwe ku Lishiko lya Shukulu Kalunga.

Ezela 7:10

Ezela waakele mbunge yendi mukulilongesa Mashiko a Shukulu Kalunga, nakuwalinga, nakulongesa vizilika na vilongesa vya Shukulu Kalunga kuli vanu vaIsalele.

Ezela 7:25

“Yove Ezela, ngwe ku mana anakwana Njambi yove, unapande kwangula vaka-kwendesa vipangi na maako ngeci vasompe vin̄anda vya vanu voshe vaje vali mu lifuti lya mu Kangombe ka Yambi ka Yufuleti vaje vazivuka Mashiko a Njambi yove. Co lalo na vaje kuvaazivuka unapande kuvalongesawo.

Visimo 5:2

Asinoni ukazivuka mwamuvwa kasingimiko, co majwi ove akamwesa ngeci kuma uli na mana.

Muka-kwambulula 5:5

Mwamuvwa kesi ulisinge, kutuvakana kulisinga, co kuucilingi.

Isaya 42:19

Kwali umo kapuputwa natuvakana ngamba yange? Nambe kasinda-matwi uje natuvakana muluwa wange injatumu?

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Njelemiya 15:19

Ngecivene, Shukulu Kalunga wakumbulwile ngwendi, “Nga utenguluka, co njikakutambula, ngeci unjipangele lalo. Nga wambulula vya seo, kesi kwambulula vyuma vyangoco, co ukapwa muka-kwimanena wange lalo. Vanu va mu Yunda vakatolilila vije ukendeka, kesi ukombe mbunge kukujujwisa kwavo.

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Ezekiyele 22:26

Vaka-kukombelela valinakupokola mashiko ange, kujeneka kusingimika vije vyakujela. Kuvasa kwangununa vije vyakujela na vije vyakujeneka kujela. Kuvasa kutepesa akati ka vije vyakujela na vije vyakujeneka kujela, co lalo kuvesi kusingimika Litangwa Lyakuhwima, mukemwo vanu va Isalele kuvesi kunjisingimika.

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

Ndanyele 11:33

Vantwama vaje vali na mana akati ka vanu vakalongesako mana avo vanu vavangi. Oloni mu kasimbu lika vamo vakavatsiila mu nzita nambe kuvenyeka, co vamo vakavevila nakuvapwisa vinzinda.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

VaLevi 10:11

Co munapande kulongesa vanu va Isalele mashiko oshe awa njinamyanawo ali Mosesa.”

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.

Hangai 1:13

Asinoni Hangai walekele vanu majwi a Shukulu Kalunga ngwendi, “Njikakala amo neni, eci cikeco cikulaeso cange.”

Zakaliya 7:3

nakwihula cihula eci kuli vaka-kukombelela na kuli vaka-kwimanena ngwavo, “Kuma tunapande kutwalao kulila nakulikela kulya ku ngonde yamucitanu ngwe mutwakele nakulinga myaka yaingi omwo Njuvo ya Shukulu Kalunga inanyongo ndi?”

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Kulava 27:21

Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime, co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.”

Yowano 13:20

Mwa vushunga njimileka ngwange, woshe uje atambula uje njinatumu, atambula yange lalo, co woshe uje atambula yange atambula uje wanjitumine.”

Yowano 20:21

Yesu wendekele lalo kuli vakevo ngwendi, “Kwoloka kukale neni. Ngwe omo Tate wanjitumine, ngecivene, nange lalo njimituma.”

Vilinga vya Miluwa 16:17

Wakavele Paulu amo netu watambekele ngwendi, “Ava vanalume vanapu vangamba va Njambi wa Akamwa ya Vyoshe! Valinakwambulula kuli yeni ngila ya kwovoka!”

2 Kolinte 5:20

Ngecivene, omo tuli ano, tulinakwendeka vya Kilistu, ngwe ikeye vavenya Njambi alinakumilanya ali yetu. Tulinakumilambelela ali Kilistu ngwetu, lyambeni na Njambi!

Ngalatiya 4:14

Oloni nameme kwinduka kwange kwa muvila kwapwile ceseko cakama manene kuli yeni, yeni kumwanjiyengwile nambe kunjivyana. Oloni mwanjitambwile ngwe kangelo wakutunda mwilu, mwanjitambwile ngwe Kilistu Yesu.

Kwituluka mu Mashiko 21:5

Co vaLevi vaka-kukombelela, navo vakashwenyeko, omwo Shukulu Kalunga Njambi yeni wavaangwile kumupangela nakwambulula vivezikiso mu lizina lyendi, co lalo nakukanda lwozi nakuvatula vin̄anda vyoshe.

Kwituluka mu Mashiko 24:8

“Linyungeni ku mushongo wa a cikonde wakulitambwisa. Nyungeni vyoshe vije vivamileka vaka-kukombelela vaLevi ngwe munjavashikile.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.

1 Samwele 2:17

Ovu vuvi vwa vana va Eli vwapwile vwakama manene ku mesho a Shukulu Kalunga, omwo vakele nakushaula manene vin̄ombelo vakele nakukombelela kuli Shukulu Kalunga.