Malakiya 2:17 - Livulu lya Shukulu Kalunga

¹⁷ Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”

Malakiya 2:17 Iomraidhean Croise

Yombi 34:17

Kuma mulinakuhisa vushunga vwa Njambi ndi? Kuma mwayongola ngweni Njambi wazinda vushunga ndi?

Yombi 34:36

Yongoleni vyuma vyoshe vije vyanendeka Yombi, mumone nga alinakwendeka ngwe munu muka-vuvi.

Yombi 36:17

Oloni ololo yove valinakukuhisa ngwe mucinakupande.

Yombi 9:24

Njambi naana kaye kuli vaka-vuvi. Ikeye napuputiisa mesho a vaka-kusompa voshe. Co nga Njambi kacilingile, ngwe iyajo nesikucilinga?

Muka-kwambulula 8:11

Omwo vikajo vanu vakalingi milonga yaingi? Omwo kuvesi kuhisa milonga vwasi.

Isaya 1:14

Yange njazinda Viwano vyeni vya Kutenama kwa Ngonde na matangwa eni akujela, vinapu vyuma vije vinanjipese manene.

Isaya 29:15

Ngongo yavo vaje vashwekela Shukulu Kalunga matumbe avo. Vaje valinga vyuma mu vushweke, co valinakuyongola ngwavo naumo wai navamono nambe kuzivuka vije valinakulinga.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 43:22

Shukulu Kalunga alinakwendeka ngwendi, “Isalele munajuka, kesi kujuka kwakunjilemesa.

Isaya 43:24

Kumwanjilandelele insense, nambe kunjana litambelo lyalivwa lya tusitu tweni va n̄ombelo. Oloni mwanjizeyesa na vuvi vweni, mwanjizeyesa na vivulumuna mwalingile.

Isaya 7:13

Isaya wamukumbulwile ngwendi, “Tolilileni yeni vatekulwila va Mwene Ndaviti. Mwamuvi manene kupesa vanu, kuma mushaka lalo kupesa Njambi ndi?

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 17:15

Vanu valinakwendeka ngwavo, “Vilikulijo vije vyakele nakulishungwiya Shukulu Kalunga ali yetu? Avilinge oni ololo!”

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ezekiyele 18:25

“Oloni mwendeka ngweni, ‘Vije vyalinakulinga Shukulu Kalunga kesi vya vushunga embwe.’ Tolilileni kuli yange, yeni vaIsalele. Kuma mulinakuyongola ngweni ngila ije njilinakulingilamo vyuma kesi ya vushunga ndi? Ngila yeni ikeyo kesi ya vushunga.

Ezekiyele 8:12

Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Amose 2:13

Ngecivene, ololo njikamitsenena mu livu, co mukakemanga ngwe litemba linalongo manene vimbuto.

Zefaniya 1:12

“A simbu ije njikambata ndeya nakushakezeka mu Yelusalema. Njikanyanyamesa vanu vaje valinakulivwaelelesa nakulikulaesa vakevo vavenya, vaje vendeka ngwavo, ‘Shukulu Kalunga kakalingi cuma cimo kuli yetu.’

Malakiya 2:14

Mwihula ngweni, “Omwo vikajo?” Omwo Shukulu Kalunga ikeye napu ntwama akati kove na munakazi wa vukwenje vwove. Omwo unapokola cikulaeso cove nendi, nameme ikeye wapwa musamba wove, munakazi wa cikumiiyo ca a vulo vwove ku mesho a Njambi.

Malakiya 3:8

Kuma munu asa kwivila Njambi ndi? Oloni mulinakunjivila. Co mwihula ngweni, ‘Tulinakukwivila vatijo?’ Akunjana cavulikumi na vin̄ombelo.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

1 Samwele 2:3

“Kesi mwendeke majwi akulishasha, kesi mulyalese. Omwo Shukulu Kalunga ikeye Njambi azivuka, co asompa vyoshe vivalinga vanu.