Malakiya 2:16 - Livulu lya Shukulu Kalunga

¹⁶ Shukulu Kalunga Njambi ya Isalele nendeka ngwendi, “Njazinda kukondola. Njazinda cuma cangacije omo umo weni akalukila munakazi wendi. Moneni ngeci kesi mupokole cikulaeso cove ca kulongwa kuli munakazi wove.”

Malakiya 2:16 Iomraidhean Croise

Myaso 73:6

Kulyalesa kwavo vasa kucimona ngwe sungu ili mu mukoshi na lwozi valinga vasa kulumona ngwe vuzalo vwavo,

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Visimo 5:20

Munange, omwo vikajo uzemena munakazi weka? Omwo vikajo uzema munakazi wa mukweni?

Isaya 28:20

Mukapwa ngwe munu uje vasoneka mu livulu lya visimo, munu uje wesekele kulala a vulili vwavwihi oloni wonwene kutandavala, na lipai lyendi lalo lyapwile lyalindondo ngeci kasele kulishetula.

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Isaya 59:6

Oloni matumbe eni kesi amamvwa embwe, akewo anapu angoco ngwe vwanda vwa kavuvi!

Luka 16:18

“Munalume woshe akondola munakazi wendi nakwambata weka nalingi vupangala, co munalume uje ambata munakazi uje ivanakondola kuli munalume wendi nalingi vupangala.

1 Kolinte 7:10

Oloni vaje vali ku malo njivashika, kesi ngwe yange vavenya oloni Mwene, munakazi kesi atunde kuli munalume wendi,