Malakiya 2:14 - Livulu lya Shukulu Kalunga

¹⁴ Mwihula ngweni, “Omwo vikajo?” Omwo Shukulu Kalunga ikeye napu ntwama akati kove na munakazi wa vukwenje vwove. Omwo unapokola cikulaeso cove nendi, nameme ikeye wapwa musamba wove, munakazi wa cikumiiyo ca a vulo vwove ku mesho a Njambi.

Malakiya 2:14 Iomraidhean Croise

Kushangumuka 2:18

Asinoni Shukulu Kalunga Njambi wendekele ngwendi, “Kesi mwamuvwa munalume kukala endi lika. Njikamupangela mukwasi wakulipanda nendi.”

Kushangumuka 31:50

Ngecivene, Lambani wendekele ngwendi, “Nga yove ukayandesa vana vange, nambe nga yove ukambata vanakazi veka, nameme yange kunjesiko ngeci njizivuke vyuma evi, oloni anuka ngwove Njambi ikeye mukaleo akati kange nove.

Visimo 2:17

munakazi wakujeneka kulongwa kuli munalume wendi, nevala cisingo cakujela cije calisingile.

Visimo 30:20

Munakazi muka-kulinga vupangala akendeka ngwendi, “Kulimona na munalume weka cinapu ngwe kulya vyakulya.”

Visimo 5:20

Munange, omwo vikajo uzemena munakazi weka? Omwo vikajo uzema munakazi wa mukweni?

Muka-kwambulula 9:9

Vwaelela na munakazi uje iwazema, matangwa oshe akuyoya kwove kwangoco kuje kwanakwana Njambi ano asi. Vwaelela na matangwa oshe aje anapu angoco, omwo evi vikevyo viwukawana mukuundangana kwove kwoshe.

Myaso ya Solomoni 1:15

Kenga, uwamuvwa, muka-cizemo cange, kenga, uwamuvwa manene, mesho ove anapu ngwe mayembe!

Isaya 54:6

Isalele, yove unapu ngwe mumbanda uje yanaseza munalume wendi, co ali mu vusiwa vwakama. Oloni Shukulu Kalunga akusana wiluke kuli ikeye, alinakwendeka ngwendi,

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Njelemiya 29:23

Eci cikapwa luvinda lwavo omwo vali na mulonga wakama wa vuvi, omwo vanalingi vupangala, co vanendeka makuli mu lizina lya Shukulu Kalunga. Eci kucapwile cizango ca Shukulu Kalunga, ikeye azivuka vije vivanalingi, co napu mukaleo ali vakevo. Shukulu Kalunga nendekamo.”

Njelemiya 42:5

Asinoni vendekele kuli yange ngwavo, “Shukulu Kalunga apwe wa vushunga na mukaleo wa kulongwa, mukutulwisa nga kutwononoka mashiko oshe aje Shukulu Kalunga Njambi yetu akakwana omwo yetu.

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Ezekiyele 16:8

“Co omo njetile kuli yove lalo, njamwene ngeci simbu yove inete yakukala na cizemo. Njakufwikile na kazaku kange, co njakulaesele kukuzema. Eyo, njalikumiiye nove cikumiiyo ca vulo, co yove wapwile u wange.” Evi vikevyo vyanendeka Shukulu Kalunga wa Akamwa ya Vyoshe.

Mika 1:2

Tolilileni yeni miyati yoshe ya vanu, zivisiseni yeni voshe mwakala ano asi! Shukulu Kalunga wa Akamwa ya Vyoshe akambulula vukaleo ali yeni. Tolilileni! Alinakwendeka kutundilila mu Njuvo yendi ya mwilu.

Malakiya 2:15

Kuma kesi Njambi watangele yove na munakazi wove kupwa muvila umolika ndi? Mu situ na mu munzinzime munapu vendi. Omwo vikajo mwapwa umo? Ngeci mukale na vana vaje vanapu vanu va Njambi mwa vushunga. Ngecivene, moneni ngeci naumo wai wa ali yeni apokole cikulaeso na munakazi wa vukwenje vwendi.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Malakiya 3:8

Kuma munu asa kwivila Njambi ndi? Oloni mulinakunjivila. Co mwihula ngweni, ‘Tulinakukwivila vatijo?’ Akunjana cavulikumi na vin̄ombelo.

Maako 11:10

Co vamukumbulwile ngwavo, “Twatava. Shukulu Kalunga ikeye napu mukaleo wetu.”

1 Samwele 12:5

Samwele wavakumbulwile ngwendi, “Shukulu Kalunga na mwene ou yanaangula vanapu vakaleo ku litangwa lya lelo omwo munawana ngeci yange nji muka-kulongwa.” Co vakevo vakumbulwile ngwavo, “Eyo, Shukulu Kalunga napu mukaleo wetu.”