Malakiya 2:11 - Livulu lya Shukulu Kalunga

¹¹ Vanu va mu Yunda vanapokola cikulaeso cavo kuli Njambi, co vanalingi cuma cacivi mu Yelusalema na mu lifuti mwoshe. Co vanajwalesa Njuvo ya Shukulu Kalunga ije yaazema. Vanalume vanambata vanakazi va miyati ya vanu veka vaje valemesa vinjambi veka.

Malakiya 2:11 Iomraidhean Croise

Ezela 10:2

Asinoni Shekaniya muna Njehiyele, wa ku cikota ca Elame, wendekele kuli Ezela ngwendi, “Tunavulumuna kuli Njambi yetu akwambata vanakazi veka, oloni nameme ngoco kucili cinyangavili kuli Isalele a cuma eci.

Ezela 9:12

Vatulekele ngeci kesi tulyambatele na vaje vanu, co kesi tuvakwase nakuvayoyesa mwamuvwa, nambe kuvafukisa, nga tushaka kukala na nzili, nakulya vyavivwa vya mu lifuti, nakuvisezela vatekulwila vetu ngeci vikapwe vushwana vwavo ku myaka yoshe.

Myaso 106:28

Vanu valemesele njambi lizina lyendi Mbale-Peole, co valile vin̄ombelo vivakombelelele ku vinjambi va kutsa.

Njelemiya 2:3

Isalele, yove wapwile u wange, wapwile vufuko vwange vwakujela. Njatumine tuyando na n̄avava ali munu woshe uje wakuyandesele. Yange Kalunga, njinendekamo.’ ”

Njelemiya 3:10

Munima ya vyoshe evi, Yunda ndokazi ya Isalele wakujeneka kulongwa, walikwisile kwiluka kuli yange, oloni kelukile na mbunge yendi yoshe. Yange Kalunga, njinendekamo.”

Njelemiya 7:10

Mulinakulinga vyuma vije vinjazinda, co mwija nakwimana ku mesho ange mu Njuvo yange, nakwendeka ngweni, ‘Tunovoka!’

Ezekiyele 18:13

nakukumwisa vimbongo ngeci awaneo kakondweso. Kuma akayoya ndi? Embwe, kakayoyo. Nalingi vyuma vyoshe evi vya vunyengwe, co akatsa. Maninga endi akakala a mutwe wendi vavenya.

Ezekiyele 22:11

Vamo valinakulinga vupangala, co vamo valinakukokweya vainamwenwavo kulinga navo vupangala nambe vandokazi vavo va vana va lwale.

Hoziya 6:7

“Oloni vwasi-vwasi omo vakovelele mu lifuti ku Andama, co vapokwele cikumiiyo cije njalikumiiye navo.

VaLevi 20:26

Pweni vanu vange vakujela. Co kundameni lika kuli yange omwo yange Kalunga njapwa wakujela. Njinamyangununa yeni ku miyati yeka ngeci mupwe vanu vange lika.

Malakiya 1:1

Ovu vukevwo vuka-kwimanena vwa lijwi lya Shukulu Kalunga kuli Isalele ali Malakiya.

Kwituluka mu Mashiko 14:2

Omwo yeni mwapwa mu vanu va Shukulu Kalunga Njambi yeni, ikeye wamyangwile ngeci mupwe vanu vendi, akati ka miyati yoshe eyi yakala ano asi.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Maako 3:6

Co valyambatelele navo, nakulemesa vinjambi vavo.