Malakiya 2:10 - Livulu lya Shukulu Kalunga

¹⁰ Kuma yetu voshe tatetu kesi umolika ndi? Kuma kesi Njambi umolika watutangele ndi? Omwo vikajo tulitengulukila yetu vavenya, nakushawisa cikumiiyo ca vakukulwila vetu?

Malakiya 2:10 Iomraidhean Croise

Nehemiya 13:29

Anuka, yove Njambi, vanu ava vanajwalesa njuvo ya vaka-kukombelela na cikumiiyo ciwalingile na vaka-kukombelela na vaLevi.

Yombi 31:15

Njambi uje vene wanjitangele, ikeye lalo watangele vangamba vange.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Kutuuka 19:4

“Yeni mwamwene vije vinjalingile yange Kalunga kuli vaka-Ingito, na muje njamyambatele ngwe mwakambata ngonga vana vendi vavandondo a mambava endi, nakuminena kuli yange vavenya.

Kutuuka 19:5

Ololo, nga munjononoka nakunyunga cikumiiyo cange, mukapwa vanu vange vavenya. Nameme asi oshe apwa ange, oloni yeni mukapwa vanu vange vakwanguka,

Kutuuka 24:3

Co Mosesa waile walekele vanu vyoshe vyashikile Shukulu Kalunga na vilongesa vyendi vyoshe, co vanu voshe vakumbulwile ngwavo, “Tukalinga vyuma vyoshe vije vyanendeka Shukulu Kalunga.”

Kutuuka 24:7

Asinoni wanonele livulu lya cikumiiyo, muje muvasonekele vyashikile Shukulu Kalunga, walilavelele kuli vanu. Co vanu vendekele ngwavo, “Tukononoka Shukulu Kalunga nakulinga vyuma vyoshe vije vyanatushiki.”

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 43:15

Yange njapwa Kalunga, Njambi yeni wakujela. Yange njamitangele, Isalele, yange njapwa mwene yeni.”

Isaya 43:7

Vakevo vanapu vanu vange, njavatangele ngeci vanene kasingimiko kuli yange.”

Isaya 44:2

Yange Kalunga uje wamitangele, tunde a simbu ije mwasemukile, njinamikwasa. Kesi uzive lyova, yove unapu ngamba yange, vanu vange vakwangula vaje vanjazema.

Isaya 51:2

Yongoleni kukulwila yeni Avilahama, na Sala, kuje kwatunda naanga yeni. Omo njasanene Avilahama, kakele na vana vai, oloni njamuvezikisile nakumwana vana, njatumisile manene vatekulwila vendi.

Isaya 63:16

Yove wapwa u tatetu. Vakukulwila vetu Avilahama na Yakomba vonwele kutukwasa, oloni yove Shukulu Kalunga unapu u tatetu, uje muka-kutwamena ku visimbu vyoshe.

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Isaya 64:8

Oloni yove Shukulu Kalunga wapwa u tatetu. Yetu tunapu ngwe vuma, co yove unapu ngwe muka-kushonga. Yove watutangele,

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Ezekiyele 33:24

“Muna munu, vanu vaje valinakuyoya mu vinganda vije vinasiwuka vya mu lifuti lya Isalele valinakwendeka ngwavo, ‘Avilahama wapwile munu umolika, co vamwanene lifuti lyoshe. Yetu tunapu tuvavangi, ngecivene, ololo lifuti linapu lyetu!’

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Malakiya 2:11

Vanu va mu Yunda vanapokola cikulaeso cavo kuli Njambi, co vanalingi cuma cacivi mu Yelusalema na mu lifuti mwoshe. Co vanajwalesa Njuvo ya Shukulu Kalunga ije yaazema. Vanalume vanambata vanakazi va miyati ya vanu veka vaje valemesa vinjambi veka.

Malakiya 2:8

“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni.

Mateo 10:21

“Vanu vakatwala vasamba vavo ku kutsa, co vaishavo vakalinga kuli vana vavo cifwa eci lalo, co vana vakatengulukila visemi vavo nakuvatwala ku kutsa.

Mateo 22:16

Co vatumine vandongisi vavo vamo kuli Yesu naveka lalo vaka-munga ya Helonde ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu, kujeneka kulipesa a viyongola vya vanu, omwo kuwesi kukenga ali munu nambe wapwa wa vulemu nambe kesi wa vulemu.

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Luka 1:73

Walikumiiye cikumiiyo cije calisingile na kukulwila yetu Avilahama.

Luka 3:8

Lingeni vyuma vije vimwesa ngeci munatenguluka ku vivi vyeni. Kesi mulyendekese mu vimbunge vyeni ngweni ‘Tuli na kukulwila yetu Avilahama’. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Yowano 8:39

Vamukumbulwile ngwavo, “Avilahama ikeye Tatetu.” Yesu wakumbulwile ngwendi, “Nga mwa vushunga mwapwile mu vana va Avilahama, nga neni lalo mulinakulinga vipangi vije vyalingile Avilahama.

Yowano 8:41

Yeni mulinakulinga vije vyalingile ishweni.” Vakumbulwile ngwavo, “Njambi lika ikeye Tatetu, yetu tu vana vendi va vushunga.”

Yowano 8:53

Tatetu Avilahama watsa, kuma wasa kulipwisa wakama kutuvakana Avilahama ndi? Co vaka-kwimanena lalo vatsa. Yove unayongola ngwove yove iya?”

Yowano 8:56

Ishweni Avilahama wajolelele ngeci amone litangwa lyakwija kwange, walimwene, co wajolelele.”

Vilinga vya Miluwa 17:24

Njambi uje watangele kaye na vyoshe vilimo, ikeye Mwene wa lilu na asi, co kesi kuyoya mu njuvo yakutunga na mavoko a vanu.

Vilinga vya Miluwa 17:25

Nambe kesi kushaka tumupangele cuma cimo, omwo ikeye akaana mwonyo na muku na vyuma vyoshe kuli vanu voshe.

Vilinga vya Miluwa 17:26

Co watangele miyati yoshe kutunda kuli munalume umo ngeci vakale asi oshe. Ikeye vavenya wavwaeselele cimweja visimbu na vinginga vya mitambela kuje vayoyela.

Vilinga vya Miluwa 7:2

Co Setefano wamukumbulwile ngwendi, “Vandolome na vatate njitolilileni! Simbu kanda kukulwila yetu Avilahama waile nakukakala mu Halane, Njambi wa vumpau walisholwele kuli ikeye mu Mesopotamya,

Vilinga vya Miluwa 7:26

Co alikaki wamwene vaIsalele vavali valinakulwa, co wavakandele wendekele kuli vakevo ngwendi, ‘Eni vanalume tolilileni, yeni muvushoko vweni, omwo vika mulinakulilwisila?’

Loma 4:1

Ngecivene, vatijo twendeka ali kukulwila yetu Avilahama? Vikajo vyalingiwile kuli ikeye?

Loma 9:10

Co kesi eci lika embwe. Oloni omwo vana va Lembeka vavali vakele na ishavo umolika, ikeye kukulwila yetu Isake.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Efeso 4:6

kuli Njambi umo ikeye wapwa Ishe ya vanu voshe, ikeye Mwene ya vyoshe, wapanga mu vyoshe, co lalo wakala mu vyoshe.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

VaHevelu 12:9

Mu cisemwa cetu ca ano asi, vatatetu valinakutunyanyamesa, co tulinakuvasimika. Ngecivene, cinatuvakana manene kwononoka kuli Tatetu mu munzinzime ngeci tuyoye!

Yoshwa 24:3

Asinoni njatundisile kukulwila yeni Avilahama, musambwa ya Ndonga ya Yufuleti nakumutwamenena mu lifuti lyoshe lya Kanana. Njatumisile vatekulwila vendi. Co njamwanene Isake.