Malakiya 1:7 - Livulu lya Shukulu Kalunga

⁷ Mulambula vyakulya vyavivi a mutula wange. Oloni yeni mwihula ngweni, ‘Twauviisa vatijo?’ Omwo mulinakwendeka ngweni, ‘Mutula wa Shukulu Kalunga wangoco.’

Malakiya 1:7 Iomraidhean Croise

Ezekiyele 41:22

mutula wa viti. Ukewo wapwile mamita avali na litambelo mu vulaja, na mita imo mu vwihi. Co vimanda vyawo vya mu vimbango, na nsina yawo, na mu mitambela yawo mwoshe vaupangele na viti. Co uje munalume wendekele kuli yange ngwendi, “Eyi ikeyo mesa ikakala ku mesho a Shukulu Kalunga.”

Ezekiyele 44:16

Vakevo lika vakakovela mu Njuvo yange, nakupangela ku mutula wange, nakwendesa vipangi vyakulemesa mu Njuvo yange.

VaLevi 2:11

“Kukwesi mulambu wa vimbuto vya vinona vije vimukanena kuli Shukulu Kalunga vimukalinga na musima. Kumwapandele kupangesa musima nambe vuki mu vyakulya vije vimukalambula kuli Shukulu Kalunga.

VaLevi 21:6

Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela.

VaLevi 21:8

Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela.

VaLevi 3:11

Co muka-kukombelela akavyenyekele vyoshe a mutula kupwa mulambu wa vyakulya wakwenyekela kuli Shukulu Kalunga.

Malakiya 1:12

Oloni kumwesi nakunjisingimika omo mwendeka ngeci mutula wange unapu wangoco, nomo mukakombelelao vyakulya vije vimunayengula.

Malakiya 1:13

Mwendeka ngweni, ‘Tunajuka!’ Co munjishendumuna. Ngwe omo yeni mulinakukombelela kuli yange omo mukombelela kuli yange vimuna vakwiva nambe uje wakutenguka nambe uje wakuvinja. Kuma mwayongola ngeci njikatambula vin̄ombelo vyeni vyangacije ndi?

Malakiya 1:8

Omo munena cimuna wa kutsa mesho, nambe wakuvinja, nambe cilema, mukukombelela kuli yange, kuma muyongola ngeci munalingi mwamuvwa ndi? Nga ngoco acesekeni kwana cimuna wa cifwa cangacije kuli nguvulu! Kuma akavwaelela neni nambe kumishangazala ndi?”

1 Kolinte 10:21

Yeni kumwasa kunwa ku nganja ya Mwene nakunwa lalo ku nganja ya minzinzime yakujwala, kumwasa kulya ku mesa ya Mwene nakulya lalo ku mesa ya minzinzime yakujwala.

Kwituluka mu Mashiko 15:21

Oloni nga vimuna ava vakakala na kapenga, nambe vulema, nambe vupuputwa, nambe katengu kamo kakavi, co kesi mukavakombelele kuli Shukulu Kalunga Njambi yeni.