Malakiya 1:4 - Livulu lya Shukulu Kalunga

⁴ Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”

Malakiya 1:4 Iomraidhean Croise

Yombi 12:14

Omo Njambi asiwula, iya asa kutungulula? Co iyajo asa kushokolola munu uje yanashokela Njambi mu kamenga?

Yombi 34:29

“Nga Njambi ayongola kulinga cuma, co naumo wai asa kumupopolola. Nga ashweka cihanga cendi, co vanu vapwa vangoco.

Yombi 9:4

Njambi muka-mana na nzili, munu naumo wai emana nakumulwisa.

Myaso 127:1

Nga Shukulu Kalunga kakwasa mukutunga njuvo, vipangi vya muka-kutunga vinapu vyangoco, nga Shukulu Kalunga kakwasa mukunyunga nganda, vaka-kunyunga vemana nakunyunga ngoco.

Myaso 137:7

Shukulu Kalunga anuka vije vivalingile va Endome, a litangwa lije vafungulwile Yelusalema. Anuka muje muvendekele ngwavo, “Isiwuleni, amolika na luvula lwayo!”

Myaso 33:10

Shukulu Kalunga anyongesa mana a vanu, ikeye atanganesa matumbe a vanu kuwapwisa angoco.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Isaya 10:4

Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 11:14

Co voshe amo vakalwisa vaFilisitiya vaje vakala ku mutambela wa mu kangombe ka yambi, co vakapukula vufuko vwa vanu vaje vakala mu ngangela. Vakafungulula vanu va ku Endome, na Mowavi, co vaAmoni vakavononoka.

Isaya 34:10

Likenya mutanya na vutsiki, co vwisi vukakakumuka myaka yoshe. Lifuti lya Endome likapwa lyamupulungwa ku myaka yoshe, naumo wai akaita mukati kalyo.

Isaya 34:5

Shukulu Kalunga navwaesa mukwale wendi, co ukatunda mwilu nakwija a Endome, ali vanu vaje vanasompela kutsa.

Njelemiya 31:17

Kucili cinyangavili cove kulutwe, vana vove vakeluka lalo kwimbo. Yange Kalunga, njinendekamo.

Njelemiya 49:20

Ngecivene, tolilileni ku vutumbe vuje vunjatumbile vwakulwisa vanu va Endome, na kuli vije njishaka kulinga kuli vanu va mu nganda ya Temane. Vana vavo vakavakokangeya, co vanu voshe vakalikomokela.

Njelemiya 49:7

Evi vikevyo vyendekele Shukulu Kalunga Muka-nzili yoshe ali Endome ngwendi, “Kuma vaka-Endome vanazimbalesa kusompa kwavo kwakuvwa ndi? Kuma vaka-kuvanangula vavo kuvasa kuvaleka vije vivanapande kulinga ndi? Kuma mana avo oshe anahu ndi?

Njelemiya 49:8

Vanu va mu Ndendane tengulukeni nakutewa. Vandeni! Njikanyongesa vatekulwila va Isau, omwo simbu yange inete yakuvanyanyamesa.

Njelemiya 5:17

Vakalya vimbuto vyeni na vyakulya vyeni, co vakatsiya vana veni va vanalume na ava va vanakazi. Vakatsiya matanga a vimanga veni nakunyongesa mikolovozi ya vushuka vwa vinyu, na miti ya mikuyu. Vinganda vyeni vya mu vimpaka vije mwakulaela vakavisiwula kuli mashwalale vavo.

Mbimbi 3:37

Naumo wai asa kulinga cuma cimo kwakujeneka cizango ca Shukulu Kalunga.

Ezekiyele 11:10

co vakamitsiila mu nzita mu lifuti lyeni. Asinoni munu woshe akazivuka ngeci yange njapwa Kalunga.

Ezekiyele 25:13

Ngecivene, njendeka ngwange njikanyanyamesa Endome nakutsiya vanalume voshe na tusitu voshe. Njikaipwisa mupulungwa, kutunda ku nganda ya Temane nakweta ku nganda ya Ndendane, co vanu vakavatsiila mu nzita.

Ezekiyele 25:14

Vanu vange va Isalele vakanjilingila shambandinga ali Endome, co vakazivisa Endome vukalu vwange vwakama. Co Endome vakazivuka kulumbunuka kwa shambandinga yange eyi.” Munjinendeka yange Kalunga wa Akamwa ya Vyoshe.

Ezekiyele 26:14

Njikakupwisa limanya lyangoco, aje vaka-kuta visi vakashandao manimbwa avo. Co nganda nalumo lwai lalo vakaitungulula. Munjinendeka yange Kalunga wa Akamwa ya Vyoshe.”

Ezekiyele 35:4

Vinganda vyeni njikaviseza vingundu, lifuti lyeni likapwa vingundu vyangoco. Asinoni mukazivuka ngeci yange njapwa Kalunga.’

Ezekiyele 35:9

Njikakupwisa ngundu ku myaka yoshe, co naumo wai lalo akakala mu vinganda vyove. Asinoni ukazivuka ngeci yange njapwa Kalunga.

Amose 1:11

Shukulu Kalunga alinakwendeka ngwendi, “Vanu va ku Endome vanalingi vuvi kushwakumo, omwo cuma eci mwa vushunga njikavanyanyamesa. Omwo vakevo vatsiile vandolome vavo vaIsalele, co kuvavamwesele mema ku mbunge. Vukalu vwavo kuvwahwile, kuvavututumwisile.

Amose 3:15

Njikanyongesa vinjuvo vya cisika na vinjuvo vya ndombo. Njikawisa vinjuvo vyakucakeya na vimbinga vya vinjamba, co njikanyongesa njuvo yoshe yakama.”

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Amose 6:11

Omo Shukulu Kalunga akashika lishiko, co vinjuvo vyakama na vije vyavindondo vakavisiwula.

Amose 6:2

Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi?

Ovandiya 1:1

Eci cikeco cimona ca Ovandiya. Omu mukemwo mwendekele Shukulu Kalunga wa Akamwa ya Vyoshe a muyati wa Endome. Tunazivi lijwi linatundu kuli Shukulu Kalunga. Watumine muluwa ngeci aye akaleke miyati ngwendi, “Livwaeseni tukalwise muyati wa Endome.”

Ovandiya 1:10

“Omwo mwevile nakutsiya vandolome veni, vatekulwila va Yakomba, co mukaziva shwamwa nakumiyengula ku myaka yoshe.

Malakiya 1:3

co njamuzinda Isau na vatekulwila vendi. Njinatengulula lifuti lya malundu lya Isau kupwa mu ngundu nakuseza vushwana vwendi ku vimbanje va mu mambo.”

Mateo 12:30

“Woshe uje kesi amo nange, mwa vushunga vene ikeye muka-n̄ole yange, woshe uje kakungulula amo nange, mwa vushunga vene ikeye ashandola.