Malakiya 1:13 - Livulu lya Shukulu Kalunga

¹³ Mwendeka ngweni, ‘Tunajuka!’ Co munjishendumuna. Ngwe omo yeni mulinakukombelela kuli yange omo mukombelela kuli yange vimuna vakwiva nambe uje wakutenguka nambe uje wakuvinja. Kuma mwayongola ngeci njikatambula vin̄ombelo vyeni vyangacije ndi?

Malakiya 1:13 Iomraidhean Croise

2 Samwele 24:24

Oloni mwene wamukumbulwile ngwendi, “Embwe, njikufweta vene ndando yaivwa. Kunjasa kukombelela kuli Shukulu Kalunga Njambi vin̄ombelo vya kulanda embwe.” Co walandele lije lijungwilo na vingombe, na mavundungulu a siliva makumi atanu.

Isaya 1:12

Iyajo namishika ngeci munjinenele vyuma vyoshe evi omo mwija nakunjilemesa? Iyajo namileka ngeci mulyatangele mu Njuvo yange?

Isaya 57:6

Mulinakwambatako mamanya akuseneta, co mulinakuwalemesa ngwe vinjambi. Muketilako vinyu kupwa vin̄ombelo nakuvatwalela n̄ombelo ya vimbuto vya vinona. Kuma munayongola ngweni njasa kuvwaelela nevi vyoshe ndi?

Isaya 61:8

Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Ezekiyele 4:14

Oloni njakumbulwile ngwange, “Embwe, Shukulu Kalunga wa Akamwa ya Vyoshe! Yange kunjalijwalesele. Tunde ku vwanike vwange, kunjalile situ ya kasitu wakulitsila nambe wakuliwa ku cikashama. Kunjalile vyakulya vyakujwala.”

Ezekiyele 44:31

Vaka-kukombelela kuvapandele kulya kazila woshe-iwoshe wakulitsila, nambe kasitu wakulitsila, nambe wakutsiya ku mukwavo kasitu.”

Hoziya 13:9

“Njikaminyongesa, yeni vanu va mu Isalele! Co iyajo akamikwasa?

VaLevi 22:8

Kesi akalye situ ya kasitu wakulitsila, nambe uje naliwa ku vikashama, eci cikamujwalesa. Yange njapwa Kalunga.

VaLevi 6:4

omo munu nalingi vuvi mu ngila imo, co akelwise cije catambwile mu ngila ya vwizi.

Amose 8:5

Co mulinakwendeka ngweni, “Matangwa akujela ahwe vwasi ngeci tulandese vimbuto vyetu. Litangwa Lyakuhwima lihwa simbu ikajo ngeci tulandese lalo vimbuto? Asinoni tukawezelele ku vindando vyetu, nakupangesa viseteko vya makuli, nakupangesa vipeseleso vyakunyanyamena vaka-kwija mukulanda kuli yetu.

Mika 6:3

Co Shukulu Kalunga wehwile ngwendi, “Vanu vange, vikajo njinalingi kuli yeni? Mu cifwa mukajo njinapu citele kuli yeni? Njikumbululeni.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Malakiya 2:12

Shukulu Kalunga atundise voshe vaka-kulinga ngacije mu munga ya Isalele, co kesi avatavese lalo kupangela amo mu vin̄ombelo vije vivanena vanu kuli Shukulu Kalunga Muka-nzili yoshe.

Malakiya 2:13

Cuma cikwavo lalo cimukalingi eci. Mujulisa mutula wa Shukulu Kalunga na misozi, kulila nakumbolozoka omwo kesi nakutambula vin̄ombelo vije mulinakumunenela.

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Mateo 6:5

“Co omo mulombela, kesi mulombele ngwe vaka-civembulu, omwo vakevo vazema kwimana nakulombela mu masinangonge na masambwa-ngila, ngeci vanu voshe vavamone. Mwa vushunga njimileka ngwange, vanatambula laja cikandelela cavo.

Kwituluka mu Mashiko 15:21

Oloni nga vimuna ava vakakala na kapenga, nambe vulema, nambe vupuputwa, nambe katengu kamo kakavi, co kesi mukavakombelele kuli Shukulu Kalunga Njambi yeni.

1 Samwele 2:29

Ngecivene, omwo vikajo muli na cipululu a vyakukombelela na vin̄ombelo vinjishaka kuli vanu vange? Omwo vikajo Eli, ulinakusingimika vana vove kutuvakana yange akuvecelela valinunise vakevo na matambelo oshe amavwa a vin̄ombelo vivakanjikombelela vanu vange?