Mako 9:50 - Livulu lya Shukulu Kalunga

⁵⁰ “Mwongwa wapwa wauvwa, oloni nga ushamuka, utovala vatijo? “Co kaleni na mwongwa wa vusamba vwa kulitombola akati keni, kaleni mu kwoloka umo na mukwavo.”

Mako 9:50 Iomraidhean Croise

Yombi 6:6

Oloni iyajo asa kulya vyakulya vya vushamu, vyakujeneka kutova mwongwa? Vutovalesi vukajo vuli mu mema-mena a mukati ka livunda?

Myaso 133:1

Kengeni muvwapwa vuvwa nakuvwaelela omo vanu va Njambi vakala amo na mbunge imo.

Myaso 34:14

Atunde ku vuvi nakulinga vyuma vyavivwa, ashakezeke nakukavangeya kwoloka.

Ezekiyele 43:24

vanene kuli yange. Vaka-kukombelela vakavakwita mwongwa, co vakavenyeka kupwa mulambu kuli yange.

Mateo 5:13

“Yeni munapu ngwe mwongwa wa ano asi, oloni nga mwongwa ushamuka, utovala vatijo? Kuutovala embwe, oloni vaumbila kuti, co vanu vakaulyatangela.

Mako 9:34

Oloni kuvamukumbulwile, omwo vakele nakulikanangana akati kavo ngwavo iya napu wakama.

Mako 9:49

“Omwo munu woshe vakamujelesa na tuhya ngwe muvakajelesa n̄ombelo na mwongwa.

Loma 12:18

Lingeni vyuma vyoshe ngwe mumunasela nakuyoya mu kwoloka kuli munu na munu.

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Efeso 4:29

Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

Kolose 4:6

Endekesi yeni simbu yoshe inapande kupwa yaivwa ya mbwase nakuvwaelelesa, co zivukeni vati mu munapande kukumbulwila mwamuvwa kuli vanu voshe.

1 Tesalonika 5:13

Pangeni navo na kasingimiko kakama na cizemo, omwo a vipangi vije valinakulinga. Pweni vaka-kwoloka akati keni.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

Yakomba 1:20

Omwo vukalu vwa munu kuvwesi kuvwaesa vutumbe vwa vushunga vwa Njambi embwe.

1 Petulu 3:8

Akukotoka, yeni voshe munapande kukala na kulitombola kumo na viyongola vimo, lizemeni umo na mukwavo, co kaleni na ngozi na kulikeesa ku umo na mukwavo.