Mako 9:47 - Livulu lya Shukulu Kalunga

⁴⁷ Co nga lisho lyove likutanukisa ngeci uzimbalese kukulaela kwove, licakuvulemo! Mwamuvwa kuli yove kukovela mu Vumwene vwa Njambi na lisho limo kutuvakana kukala na mesho oshe avali ngeci vakumbile mu tuhya twa myaka yoshe tuje kutwesi kuzima.

Mako 9:47 Iomraidhean Croise

Kushangumuka 3:6

Omo munakazi wamwene vuvwa vwa uje muti na sholovya ya vushuka vwawo, co lalo ukewo wasa kutengulwisa munu akale na mana, wapotwele vushuka vwawo, walile. Co waaneneko vumo munalume wendi, nendi lalo walile.

Yombi 31:1

Njinalikumiya cikumiiyo na mesho ange ngeci nalumo lwai njikakenga mumbanda na lishungu.

Myaso 119:37

Tengulwila mesho ange kweka, ngeci kesi njimone vyuma vyangoco, pwa wamuvwa kuli yange ngwe muje wanjikulaesele.

Mateo 18:9

Co nga lisho lyove likutanukisa ngeci uzimbalese kukulaela kwove, licakuvulemo ulyumbile kuti! Mwamuvwa kuli yove kukovela mu mwonyo wa myaka yoshe na lisho limo kutuvakana kukala na mesho oshe avali ngeci vakumbile mu tuhya twa myaka yoshe tuje kutwesi kuzima.

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Mako 9:43

Co nga livoko lyove likutanukisa ngeci uzimbalese kukulaela kwove, livatuleko! Mwamuvwa kuli yove kukovela mu mwonyo wa myaka yoshe na livoko limo kutuvakana kukala na mavoko oshe avali ngeci vakumbile mu tuhya twa myaka yoshe tuje kutwesi kuzima.

Mako 9:46

Muje mainyo amwo aje alinakuvalya kuwesi kutsa, na tuhya tuje tuvenyeka kutwesi kuzima.

Luka 14:26

“Woshe uje aija kuli yange kasa kupwa ndongisi yange kuvanga anjizeme yange kutuvakana mwazema ishe na vaina, munakazi wendi na vana vendi, vandolome vendi na vandokazi vendi, nakuzema yange kutuvakana mwalizema ikeye vavenya lalo.

Yowano 3:3

Yesu wamukumbulwile ngwendi, “Mwa vushunga njikuleka ngwange, naumo wai asa kumona Vumwene vwa Njambi kuvanga asemuke luvali.”

Yowano 3:5

Yesu wamumbulwile ngwendi, “Mwa vushunga njikuleka ngwange, naumo wai asa kukovela mu Vumwene vwa Njambi kuvanga asemuke ku mema na ku Munzinzime Wakujela.

Ngalatiya 4:15

Mwavwaelelele manene! Vikajo vinalingiwa? Yange njasa kwendeka ngwange nga mwasele, nga mwacakuvwile mesho eni, nakunjanawo.