Mako 9:35 - Livulu lya Shukulu Kalunga

³⁵ Co Yesu watumbamene asi, co wasanene vaje vandongisi likumi na vavali, wendekele kuli vakevo ngwendi, “Nga munu ashaka kulipwisa wakama napande kulipwisa ikeye vavenya wamundondo mu vyoshe, co lalo apwe ngamba ya voshe.”

Mako 9:35 Iomraidhean Croise

Visimo 13:10

Kulyalesa kunena vukalu, oloni mana ali muli vaje vatolilila kukuvanangula.

Njelemiya 45:5

Kuma ulinakushakezeka vyuma vyakama ndi? Kesi ulingemo embwe. Njikanena tuyando twakama ali vanu voshe, oloni nameme ngoco, yove ukakala na mwonyo kwoshe kuje kuukaya, Yange Kalunga, njinendekamo.”

Mateo 23:11

Uje wakama akati keni ikeye napande kupwa ngamba yeni.

Mako 9:36

Co Yesu wakwatele mwanike wamundondo wamwimikile kulutwe lwavo. Co wamuvumbatelele wendekele ngwendi,

Luka 18:14

Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”

Luka 22:26

Oloni eyi kesi ikeyo ngila akati keni, oloni woshe uje wakama akati keni napande kupwa wamundondo, co ntwama yeni napande kupwa ngwe ngamba.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”