Mako 9:29 - Livulu lya Shukulu Kalunga

²⁹ Co Yesu wavakumbulwile ngwendi, “Kuvanga malombelo lika asa kutundisa munzinzime wakujwala wa cifwa eci, kukwesi cuma ceka lalo cai.”

Mako 9:29 Iomraidhean Croise

Ndanyele 9:3

Co njalombelele manene kuli Shukulu Kalunga Njambi, nakulambelela kuli ikeye, nakulikela kulya, co njazalele cikeleya, nakutumbama mu lito.

Mateo 12:45

Asinoni uya nakunenelamo minzinzime yeka itanu na ivali yakujwala manene kutuvakana ukewo, ikovelamo nakutumbamamo. Co kuviya kwa munu uje kwakukotokela kukatuvakana kwakulivanga. Ngecivene, mucikapwa ku muyati ou wauvi wa vanu ava valelo.”

Mateo 17:20

Yesu wavalekele ngwendi, “Omwo kukulaela kweni kwakundondo. Mwa vushunga njimileka ngwange nga kukulaela kweni kunapu kwakama ngwe kanona ka mbuto ya musalata, mwasa kwendeka ku munkinda ngweni, ‘Tunda kuno, ya kuje.’ Co ukaya, co nga nacimo cai cimukonwa!

Mateo 17:21

Oloni ou munzinzime wakujwala wangeci, kuwesi kutunda na cuma ceka, kuvanga nakulomba nakulikela kulya.”

Mako 9:28

Co omo Yesu wakovelele mu njuvo, vandongisi vendi vamwihwile mu vushweke ngwavo, “Omwo vika yetu kutwasele kutundisa uje munzinzime wakujwala?”

Mako 9:30

Yesu na vandongisi vendi vatundile ku mutambela uje, co vaile vatuvakanene mu Ngalileya. Yesu kashakele ngeci vanu vazivuke kuje kwakele,

Luka 11:26

Uya nakushakelamo minzinzime yeka itanu na ivali yakujwala manene kutuvakana ukewo ikovelamo nakutumbamamo. Co kuviya kwa munu uje kwakukotokela kukatuvakana kwakulivanga.”

Vilinga vya Miluwa 14:23

Mu cikungulukilo na cikungulukilo vemikilemo vakulunu, co na malombelo nakulikela kulya vavakundikile kuli Mwene uje vakulaelele.

1 Kolinte 9:27

Oloni Njilinakukolesa muvila wange na vin̄ombe nakuwononwesa, kutewa omo njinasana veka ku vweho, co yange vakanjivyane.

2 Kolinte 11:27

Kwakele vipangi na tuyando, visimbu vyavingi njalalele cilavu-lavu, co njakele na njala na lihwila, co lalo visimbu vimo njajenekele vyakulya vyakupwisamo, nambe vyakunjivingilikiya ku lisika, nambe vuzalo.

2 Kolinte 12:8

Visimbu vitatu njalombelele kuli Mwene a cuma eci, co njamwihwile ngeci acitundise.

2 Kolinte 6:5

Vatupupile, vatwakele mu kamenga na mukulwa na mukuundangana, co twakele lalo mu cilavu-lavu nakujeneka vyakulya.

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.

Yakomba 5:15

Co kulomba oku mukukulaela kukovola uje muka-kuvinja, co Mwene akamukangwisa, nga ikeye nalingi vuvi, co vakamusambesa.