Mako 9:25 - Livulu lya Shukulu Kalunga

²⁵ Co omo Yesu wamwene ngeci mbunga ije yakele nakumusindakana, ngecivene, washikile uje munzinzime wakujwala ngwendi, “Ove munzinzime wakujwala wa vusinda-matwi na vuveveve, njikushika ngwange tundamo muli ou mukwenje kesi ukelukile muli ikeye lalo!”

Mako 9:25 Iomraidhean Croise

Zakaliya 3:2

Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

Mateo 12:22

Asinoni vamunenelele munalume umo wa kapuputwa na vuveveve omwo wakele na munzinzime wakujwa. Yesu wamukangwisile, ngecivene, uje munalume wasele kumona nakwendeka.

Mateo 17:18

Co Yesu washikile uje munzinzime wakujwala, co uje munzinzime wakujwala watundile muli ikeye, co uje mukwenje wakangukile a simbu ije vene.

Mako 9:15

Omo vanu vamwene Yesu, valikomokelele manene, co vashatukilile kuli ikeye nakumukandelela.

Mako 9:24

Aje vene ishe ya uje mwanike watambekele ngwendi, “Yange njinakulaela, oloni kesi manene. Njikwaseko ngeci njikulaele manene!”

Mako 9:26

Co uje munzinzime wakujwala watambekele manene, wawisile mwanike mwamuvi manene, co wamutundile. Mwanike wapwile ngwe civimbi, ngecivene, vanu vendekele ngwavo, “Natsi vene!”

Luka 11:14

Yesu wakele nakutundisa munzinzime wakujwala mu munu uje kasele kwendeka, omo uje munzinzime wakujwala watundile, co uje munalume washangumukile kwendeka. Co mbunga valikomokelele,

Luka 4:35

Asinoni Yesu washikile uje munzinzime ngwendi, “Oloka kuluu, tunda muli munu ou!” Co uje munzinzime wawisilile uje munalume asi ku mesho avo voshe, co watundile muli ikeye kujeneka kumuvulumuna.

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.

Luka 8:29

Wendekele ngeci omwo Yesu washikile uje munzinzime wakujwala kutunda muli ikeye, uje munzinzime wakujwala wamuyandesele visimbu vyavingi, co vanu vamunyungile nakumukuta malyenge ku mavoko nakumwaka mendi mu tukunju, oloni washutwile malyenge, co uje munzinzime wakujwala wamutwalele mu mambo.

Luka 9:42

Omo mukwenje wakele nakwija, co munzinzime wakujwala wamuwisilile asi nakumushinyisa manene. Co Yesu washikile uje munzinzime wakujwala, uje mukwenje wakangukile, co wamwanene kuli ishe.

Vilinga vya Miluwa 16:18

Co walingile eci matangwa amangi, oloni Paulu waviililile, co watengulukile wendekele kuli uje munzinzime ngwendi, “Mu lizina lya Yesu Kilistu njikushika ngwange tunda muli ikeye!” Co uje munzinzime watundile muli ikeye a simbu ije vene.

Yunda 1:9

Nameme uje kangelo wakama Mingeli kacilingile eci. Mukulikanangana kwendi na Liyavola, omo valizungilile muvila wa Mosesa, Mingeli kashukile kwendeka kuli Liyavola na majwi akumushaula, oloni wendekele kuli ikeye ngwendi, “Mwene akuvindike!”