Mako 9:20 - Livulu lya Shukulu Kalunga

²⁰ Co vamunenele kuli Yesu. Vwasi-vwasi omo uje munzinzime wakujwala wamwene Yesu, aje vene wapindisile uje mwanike manene, ngecivene, wawililile asi nakulimbondinga, nakututumuna lifulu ku kanwa.

Mako 9:20 Iomraidhean Croise

Mako 1:26

Co uje munzinzime wakujwala wapindisile uje munalume manene, watambekele manene, co watundile muli ikeye.

Mako 9:18

Co oshe aje aumuwanena munzinzime wakujwala, umuwisila asi, co atutumuna lifulu ku kanwa, nakulitsakinya ku mayo, co ashinuka woshe ngo. Co njalombele vandongisi vove ngwange vamutundise munzinzime wakujwala, oloni kuvaasele.”

Mako 9:19

Co Yesu wendekele kuli vakevo ngwendi, “Yeni vaka-kujeneka kukulaela! Visimbu vingaijo njikakala neni? Visimbu vingaijo njinapande kuyanda omwo yeni? Neneni owo mukwenje kuno kuli yange!”

Mako 9:21

Co Yesu wehwile ishe ngwendi, “Simbu mukajo washangumukile?” Co wamukumbulwile ngwendi, “Tunde kuvwanike vwendi.

Mako 9:26

Co uje munzinzime wakujwala watambekele manene, wawisile mwanike mwamuvi manene, co wamutundile. Mwanike wapwile ngwe civimbi, ngecivene, vanu vendekele ngwavo, “Natsi vene!”

Luka 4:35

Asinoni Yesu washikile uje munzinzime ngwendi, “Oloka kuluu, tunda muli munu ou!” Co uje munzinzime wawisilile uje munalume asi ku mesho avo voshe, co watundile muli ikeye kujeneka kumuvulumuna.

Luka 8:29

Wendekele ngeci omwo Yesu washikile uje munzinzime wakujwala kutunda muli ikeye, uje munzinzime wakujwala wamuyandesele visimbu vyavingi, co vanu vamunyungile nakumukuta malyenge ku mavoko nakumwaka mendi mu tukunju, oloni washutwile malyenge, co uje munzinzime wakujwala wamutwalele mu mambo.

Luka 9:39

Omo munzinzime wakujwala umuwana, co atambeka nakushinya, co atutumuna lifulu ku kanwa, umuvetwesa manene, co kuumwecela vwasi.

Luka 9:42

Omo mukwenje wakele nakwija, co munzinzime wakujwala wamuwisilile asi nakumushinyisa manene. Co Yesu washikile uje munzinzime wakujwala, uje mukwenje wakangukile, co wamwanene kuli ishe.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.